ترکیه تشقی ایشلر وزیری امریکالیک تینگداشی بیلن تیلفون آرقه لی اوچره شدی
صحبتده کورفزده گی وضعیت عراق و سوريه موضوعلری مطرح قیلیندی
تشقی ایشلر وزیری مولد چاووش اوغلی، امریکا قوشمه ایالتلری تشقی ایشلر وزیری ریکس تیللرسون بیلن تیلفون آرقه لی کوریشدی.
صحبتده کورفزده گی وضعیت عراق و سوريه موضوعلری محاکمه قیلیندی.
چاووش اوغلی انتاليا نینگ الانيا تومنیده سوزگه چیقگن بیر پروگرام ده ایسه، قطر بیلن اَیریم عرب مملکتلری اورته سیده بحران بیلن علاقه لی سوزله گن نطقیده، "مسئله گه ییچیم تاپیشگه اینتیله یه پمیز. رمضان آیی هم، قرداشلیک و همکارلیکنی رواجلنتیریش آییده، بو قیزغین لیکلر یخشی ایمس. قاله ویرسه باشقروولرگه ایمس خلق بیلن علاقه لی بو قرارلر ناتوغری. مبارک رمضان آیی دارو- درمان تحریمی، انسانلیک که یره شمه یدی. خلق نینگ گناهی نیمه؟" دیب افاده ایتدی.
مولد چاووش اوغلی، جمهور رئیس رجب طیب ایردوغان نینگ کوپ سانده رهبرگه قونغیراق قیلگنینی و قونغیراق قیلیشگه دوام ایتیشینی بیلدیریب، ترکيه نینگ بو مسئله گه ییچیم تاپیش گه حصه قوشیشینی ایضاحله دی.
"چونکه بیز مسئله نینگ نیمه بولگنینی بیله میز، حاضرگی کونگچه قنده ی ایجابي اسلوب ایزله گن بولسک بوندن کیین هم شونده ی بوله دی" دیب سوزله گن چاووش اوغلی، ترکيه نینگ اوز مسئله لریگه هم ییچیم ایزلش غیرتیده بولگنینی تکید له دی.
سوريه ده صلح اورنه تیش اوچون ترکيه نینگ بار کوچی بیلن غیر‌ت قیلگنینی افاده ایتگن چاووش اوغلی، حلب ده 45 مینگ کیشی اولیم پنچه سیده بولگنده بوریلیب هم قره مه‌گن باشقه مملکتلر کبی تورمه گن ترکيه نینگ روسيه بیلن بیرگه حلب و اطرافیدن 45 مینگ کیشینی قوتقرگنینی ایضاحله دی.
تورکيه بیلن روسيه نینگ اورنه تیش گه اورینگن صلح نینگ حلب بویلب ترقه لگنینی افاده ایتگن چاووش اوغلی، "ایندی خوفسیز حدود تشکیل ایته یه پمیز. بو غیرتیمیز آستآ‌نه و ژنو‌ده هم دوام ایته دی" دیدی.
