ایردوغان، فتو ترور تشکیلاتی و اونگه قرشی ترکيه نینگ کوره شی مسئله سیگه توخته لدی
ایردوغان، فتوگه قرشی کوره شده قنچه لیک قرارلی ایکن لیکلرینی بو گل انقره ده، 15-جولای کونی کیچه سی نشانگه آلینگن نقطه لردن بیری حسابلنگن مخصوص تاپشیریقلی بولینمه ده تیلگه آلدی.
جمهور رئیس رجب طیب ایردوغان اوتگن ییل نینگ 15- جون کونی ترکيه جمهوریتی حکومتینی تونتریشگه تشبث قیلگن فتح الله چی ترور تشکیلاتی، موازی دولت توزیلمه سی اعضالریدن هیچ بیری نینگ اولرنی کوتگن اچّیق عاقبتدن قوتیلالمسلیگینی قید ایتدی.
ایردوغان، فتوگه قرشی کوره شده قنچه لیک قرارلی ایکن لیکلرینی بو گل انقره ده، 15-جولای کونی کیچه سی نشانگه آلینگن نقطه لردن بیری حسابلنگن مخصوص تاپشیریقلی بولینمه ده تیلگه آلدی.
ایچکی خوفسیزلیک بولینمه سی نینگ افطار دسترخوانیده سوزله گن نطقیده جمهور رئیس ایردوغان، تونتریش تشبثی چاغیده شهید بولگن 56 نفر مخصوص تاپشیریقلی گروه اعضاسینی هم اونوتمه دی.
ایردوغان؛
«بو ییر غازي بیر مکاندیر. فتو اعضالری بو مکانگه بوگونگچه حتا که پی کاکا ترور تشکیلاتیگه قرشی هم فایده لنیلمه گن 650 کیلو گرا‌م لیک انفجار کوچی یوقاری بولگن گیلي بمب تشله دی» دیدی.
ایردوغان، عیبی نینگ جزاسینی تارتمه گن بیرانته هم فتو اعضاسینی قویمه ی کوره ش آلیب باریله جگینی تأکید له دی.
«بیز نینگ بو مملکتدن باشقه وطنیمیز یوق. بیراولر اوزینی قه ییرگه جای تاپالمه گنیده پنسیلوانيا‌گه، آلمانگه یاکه باشقه بیر مملکت گه قاچیب کیتیشی ممکن» دیگن جمهور رئیس ایردوغان؛
«اولر نینگ او ییرده یشیرین وطنلری بولیشی ممکن. یونانگه، رودوسگه، او ییر- بو ییرگه قاچیشلری ممکن لیکن بیز نینگ اونده ی توپراغیمیز یوق. بیز نینگ 780 مینگ کیلومترلیک گینه توپراغیمیز بار. شو نینگ اوچون 15- جولای کونی اوز یورتیمیزده آیاق آستی بولیشدن کوره شیرلر کبی کوره شیب، انساندیک جان بیریشنی افضل کوردیک، بوندن بویان هم شونده ی بوله میز» دیب ایتدی.
ایردوغان، ترکيه ده گی ترورگه قرشی کوره ش عملیاتلری موفقیتلی روشده دوام ایتر ایکن سوريه ده عملگه آشیریلگن فرات قالقانی عملیاتی بیلن عراقده گی سینجر و قاره چوق تاغلریگه قرشی یوریتیلگن عملیاتلر نینگ، ترکيه نینگ ترورگه قرشی ینگی آدیم لری ایکنلیگینی ایتدی.
ایردوغان؛
«ترکيه نینگ تینچینی بوزماقچی بولگنلر، ترکيه نی خطر‌گه آلیب بارماقچی بولگنلر بو نینگ جزاسینی تارته دیلر» دیدی.
