اردوغان کورفز اولکه لری گه سفر قیله دی

ترکیه جمهوریتی جمهوررئیسی رجب طیب اردوغان, فبروری آیی نینگ 12 نچی و 15 نچی کون لری آره سیده کورفز اولکه لریدن عبارت بحرین, سعودی عربستان و قطر گه رسمی  سفر اویوشتیره دی. 

جمهوررئیس لیگی منبع لریدن آلینگن معلومات لر گه کوره, جمهوررئیسی اردوغان اوشبو سفری دایره سیده بحرین ده خودی منه شوو اولکه نینگ قرالی بیلن اوچره شرایکن, ایریم یوقاری مرتبه لی بحرین مقاملری نی هم قبول قیله دی.

اوشبو دایره ده ایککی اولکه آره سیده ایریم همکارلیک کیلیشوو لری گه قول قویلیشی کوتیلماقده. 

اردوغان, فبروری آیی نینگ 13 نچی کونیده ایسه سعودی عربستان گه سفر قیله دی. 

جمهوررئیسی اردوغان خودی منه شوو سفری دایره سیده سعودی عربستان پادشاهی سلمان بیلن عبدالعزیز بیلن اوچره شه دی.

سعودی عربستاندن قطر گه سفر قیله دیگن جمهوررئیسی اردوغان, قطر امیری شیخ تمیم بن حمد آل ثانی بیلن اوچره شه دی. 

بولیب اوته دیگن اوچره شوو لر جریانیده ایککی تامانلمه علاقه لر دن تشقر, منطقه و خلق ارا مقیاسده گی ینگی لیک لر باره سیده هم فکر المه شیله دیگن لیگی معلوم قیلیندی. 

جمهوررئیسی اردوغان نینگ اوشبو سفری, ایککی تامانلمه علاقه لر دن تشقری, کورفز همکارلیک کینگشی و اسلام همکارلیک تشکیلاتی بیلن قطارده, بحرین, سعودی عربستان و قطر آره سیده گی همکارلیک لر میزانی نینگ آرتیریلیشی گه هم حصه قوشه دی.