اردوغان: دوستی بولگن بیر کیشی هر نرسه گه ایگه

ترکیه جمهوریتی جمهوررئیسی رجب طیب اردوغان موزامبیک گه قیلگن سفری دایره سیده اوشبو اولکه نینگ جمهوررئیسی فلیپ نیوسی تامانیدن رسمی مراسم بیلن کوتیب آلیندی. 

کیین چه لیک ایککی رهبر آره سیده یککه مه یککه و هیئت لر ارا اوچره شوو بولیب اوتدی. 

اوشبو دایره ده ترکیه بیلن موزامبیک آره سیده دیپلماسی, تجارت, اقتصاد, فرهنگ و توریزم ساحه لری بوییچه ۶ کیلیشوو امضالندی. 

جمهوررئیسی اردوغان, ترتیب لنگن مشترک مطبوعاتی کنفرانس جریانیده بیرگن بیاناتلریده, ترکیه نینگ هردایم موزامبیک نینگ همکاری ایکن لیگی نی معلوم قیلدی. 

عینی دمده جمهوررئیسی اردوغان, ترکیه نینگ تجربه لری و خلق ارا پول فوندی آی ایم ایف موضوعی بوییچه فکر لری نی نیوسی گه توشنتیریب بیرگن لیگی نی بیلدیردی. 

بوندن تشقری اردوغان, نیوسی بیلن ترکیه ده فتح الله چی ترور تشکیلاتی موازی دولت ساختاری FETÖ/PDY نینگ جولای آیی نینگ ۱۵ نچی کونیده قیلگن کودتا تشبثی باره سیده هم بحث ایتگن لیک لری نی بیلدیررایکن, اوشبو خصوصده اولرنینگ حمایه سی نی طلب ایتگن لیک لری معلوم قیلدی. 

جمهوررئیسی اردوغان بیر موزامبیک سوزیدن فایده له نیب بیرگن بیاناتیده, "دوستی بولگن کیشی هر نرسه گه ایگه" دییه قید ایترایکن, ترکیه نینگ هردایم موزامبیک نینگ یانیده بوله دیگن لیگی نی ایسله تیب اوتدی.