تروریست لر نی حمایه لیدیگن لر ترکیه تابعتی نی قولدن بیره دی
ترکیه جمهوریتی تشقی ایش لر وزیری مولود چاووش اوغلی تروریست لر نی حمایه لیدیگن کیشی لرنینگ ترک تابعتی نینگ قوللریدن آلینیب قویلیشی نینگ ممکن ایکن لیگی نی بیلدیردی
ترکیه جمهوریتی تشقی ایش لر وزیری مولود چاووش اوغلی, ترور تشکیلاتی پی کا کا گه قرشی کوره ش دایره سیده خلق ارا تدبیر لر نینگ هم آلینه دیگن لیگی نی بیلدیردی.
چیت ایللرده پی کا کا نی حمایه لیدیگن کیشی لرنینگ ترک تابعتی نینگ قوللریدن آلینیب قویلیشی هم داخل ینگی تدبیر لر نینگ آلینه دیگن لیگی نی بیلدیرگن چاووش اوغلی, "اوشبو خصوصده برچه تدبیر لر نی آله میز" دییه قید ایتدی.
خصوصی بیر تلویزیونی بیلن مصاحبه قیلگن چاووش اوغلی, اوروپا اولکه لریده پی کا کا گه قرشی دموکراتیک حق لریدن فایده له نیب عکس العمل کورستگن کیشی لر گه هجوم اویوشتیرگن هجومچی لرنینگ هم جزالنتیریله دیگن لیگی نی بیلدیررایکن, اوشبو دایره ده ترکیه نینگ طلب لری نی بجا کیلتیرمه گن اولکه لر گه هم "تروریزم نی حمایه لیتگن اولکه لر" اوله راق رویه قیلینه دیگن لیگی نی ایسله تیب اوتدی.
پی کا کا نینگ, عراق نینگ موصل ولایتی تلعفر اولسواللیگیده تهدید تشکیل ایتیشی تقدیرده اورده دیگن لیک لری نی بیلدیرگن چاووش اوغلی, اوز سوز لرینی, "اینیقسه ترکمن لرنینگ یشیتگن تلعفر نی یقین دن تعقیب ایتماقده میز. تیارگرلیک لری میز بار. هر قنده ی بیر تهدید تشکیل ایتیشی تقدیرده, هیچ تردد قیلمسدن, قندیل ده بولگن لیگی دیک اوشبو ییرده هم پی کا کا نی اوره میز" شکلیده دوام ایتتیردی.
چاووش اوغلی, سوریه نینگ شمالی نینگ تروریست لر دن تصفیه ایتیلیشی اوچون آگست آیی نینگ 24 نچی کونیده باشله تیلگن ترکیه نینگ فرات قالقانی عملیاتی دایره سیده الباب آرتیدن ایککینچی هدف نینگ منبچ دن عبارت ایکن لیگی نی بیلدیردی.
منطقه گه امریکا بیلن مشترک بیر هیئت یوبارگن لیک لری نی بیلدیرگن چاووش اوغلی, ترور تشکیلاتی پی کا کا نینگ بیر بولگی دن عبارت پی وای دی نینگ فرات دریاسی نینگ غربی گه اوتمس لیگی تقدیرده, کیره ک لیک تدبیر لر نی آله دیگن لیک لری نی معلوم قیلدی.
چاووش اوغلی, سوریه ده اوق اوزیش نی توخته تیش نینگ تامین ایتیلیشی اوچون دسامبر آیی نینگ 27 نچی کونیده مسکوده, ترکیه, روسیه و ایران آره سیده بیر ییغیلیش بولیب اوته دیگن لیگی نی بیلدیردی.
