ترکیه نینگ حمایه سی بیلن جرابلس داعش دن تصفیه ایتیلدی

ترکیه جمهوریتی قوراللی کوچلری, مشترک خاص وظیفوی کوچی و ائتلاف هوائی کوچ لری تامانیدن سوریه نینگ حلب شهری گه باغلیق جرابلس منطقه سی نینگ ترور تشکیلاتی داعش دن تصفیه ایتیلیشی بیلن علاقه لی باشله تیلگن فرات قالقانی عملیاتی نتیجه سیده جرابلس ایرکین سوریه اردوسی نینگ کنترولی گه اوتدی. 

سوریه نینگ ترکیه چیگره سیده گی جرابلس, ترور تشکیلاتی داعش دن تصفیه ایتیلرایکن, تروریست لر جنوب تامان گه قاچدی. 

اوشبو عملیات لر گه امریکا قوشمه ایالتلری ایتکچی لیگیده گی خلق ارا ائتلاف نینگ هوائی کوچ لری هم اشتراک ایتدی. 

امریکا مدافعه وزیرلیگی پنتاگون هم, اوشبو مطلب نی تائید قیلدی.  

اوشبو عملیات دایره سیده ایرکین سوریه اردوسی دن بیر کیشی جان بیررایکن, ترور تشکیلاتی داعش دن هم کوپلب کیشی اولدیریلدی. 

رویترز بیلن مصاحبه قیلگن النصره گه یقین مخالف لر, داعش تروریست لری نینگ اکثریتی نینگ قاچیب کیتگن لیک لری نی بیلدیررایکن, جنوبده گی الباب شهری تامان قاچگن لیک لری نی معلوم قیلیب, ایریم لری نینگ ایسه تسلیم بولگن لیک لرینی ایسله تیب اوتدی.  

جرابلسده داعش تروریست لری تامانیدن کومیلگن ماین لر تاثیر سیز وضعیت گه کیلتیریلدی.  

عینی دمده اوشبو عملیات جریانیده ترکیه نینگ ۱۰۰ فایز وطنی پیلوت سیز طیاره سی بیرقدار تی بی ۲ دن هم استفاده ایتیلدی.  

خودی منه شوو پیلوت سیز طیاره نینگ بیر نیچه کوندن بیری وظیفه اجرا ایتیتگن لیگی بیلدیریلدی.  

بیرلشگن ملت لر تشکیلاتی هم ترکیه نینگ اوشبو عملیاتی نی حمایه له دی.  

بیرلشگن ملت لر تشکیلاتی عمومی منشی سی بان کی مون نینگ سوزلاوچیسی ستیفن دوجاریک فرات قالقانی عملیاتی بیلن علاقه لی بیرگن بیاناتلریده, سوریه ده ترور تشکیلاتی داعش گه قرشی کوره ش گه خلق ارا جامعه نینگ جوده کتته اهمیت بیریتگن لیگی نی بیلدیردی.  

دوجاریک, بیرلشگن ملت لر تشکیلاتی عمومی منشی سی بان کی مون نینگ, ترور

تشکیلاتی داعش نینگ ترکیه گه قره تیلگن هجوم لری نی قاره له گن لیگی نی معلوم قیلدی.