چاووش اوغلی: گولن بیر تروریست دن عبارت

ترکیه جمهوریتی تشقی ایش لر وزیری مولود چاووش اوغلی, تویتر آرقه لی بیرگن بیاناتلریده, فتح الله چی ترور تشکیلاتی موازی دولت ساختاری FETÖ/PDY نینگ رهبری فتح الله گولن نینگ امریکا قوشمه ایالتلری تامانیدن ترکیه گه تاپشیریلیشی نینگ بسیط بیر همکارلیک مسئله سی ایمس لیگی بلکه, ملی خوف سیزلیک جهتیدن جدی بیر تهدید نینگ بحث موضوعی ایکن لیگی نی معلوم قیلدی. 

چاووش اوغلی, اوشبو بیاناتیده, امریکا قوشمه ایالت لری دولت رهبری باراک اوباما نینگ اورینباسری جو بایدن نینگ انقره گه قیلگن سفری نینگ کتته اهمیت گه ایگه ایکن لیگی نی بیلدیررایکن, شونده ی قیلیب ترکیه بیلن امریکا آره سیده گی همکارلیک لر بوییچه انیق قدم لرنینگ تشله نیشی کیره ک ایکن لیگی نی بیلدیردی. 

چاووش اوغلی, ایککی اولکه آره سیده گی علاقه لر بوییچه هیچ قنده ی بیر سئوال نینگ موجود بولمس لیگی اوچون قرار لی سیاست آلیب باریلیشی نینگ ضروری ایکن لیگی نی ایسله تیب اوتدی. 

فتح الله چی ترور تشکیلاتی موازی دولت ساختاری FETÖ/PDY نینگ توغری بیر شکلده درک ایتیلیشی کیره ک ایکن لیگی نی بیلدیرگن چاووش اوغلی, "بولر دینی بیر گروه دن عبارت ایمس, دینی میزدن منفی بیر شکلده فایده له نیتگن, منفعت لری بولگن, قانلی و وحشی بیر ترور تشکیلاتی دن عبارت" دییه قید ایتدی. 

چاووش اوغلی, اوز سوز لری نی, "جولای آیی نینگ ۱۵ نچی کونیدن کیین, میلادی ۱۹۹۹ نچی ییلیدن بیری امریکا قوشمه ایالتلریده یشیتگن گولن و ترور تشکیلاتی نینگ منفعت مناسبت لری و یاشیرینچ هدف لری معلوم بولیب قالدی. فتح الله چی ترور تشکیلاتی موازی دولت ساختاری FETÖ/PDY نینگ رهبری فتح الله گولن نینگ امریکا قوشمه ایالتلری تامانیدن ترکیه گه تاپشیریلیشی بسیط بیر همکارلیک مسئله سی ایمس لیگی بلکه, ملی خوف سیزلیک جهتیدن جدی بیر تهدید دن عبارت" شکلیده دوام ایتتیردی.