استانبول ده ترکچه بیره می بولیب اوته دی

استانبول ده ترکچه بیره می بولیب اوته دی

یونس امره انستیتوتی تامانیدن اویوشتیریله دیگن و جمهور رئیس لیک تامان حمایه بوله دیگن "ترکچه یاز فصلی مکتبی" آتیده گی 2 نچی ترکچه بیره می 27 نچی اگست کونی استانبول ده بولیب اوته دی.

اوشبو ترکچه بیره م پروسه سیگه 46 اولکه دن 540 اوقووچی قتنشر ایکن، ترکچه یاز فصلی مکتبی چوکاتیده 16 شهرده 20 ایریم عالی بیلیم یورتی نینگ میزبان لیگیده تاریخی و توریستیک جایلرنی کیزیب، تر مدنیتینی تنیش فصتی قولگه کیریته دیلر.

اوقووچیلر "انسان و ترکچه" موضوع لیک یاپیلیش نمایش کیچه سیده ترکچه، صلح، دوستلیک و سیوگی پیام لری ترقترکن، دنیانینگ بیر قطار اولکه لریده حرب دوام ایتماقده ایکن بو کبی پیام لر اهمیت گه سزاواردیر.

ترکچه بویوک مدنیتلر ایجاد ایتگن بیر ملت نینگ تیلی دیر، بو تیل کلمه خزینه سی، ساختار و افاده سی بیلن کوچلی بیر تیل اوله راق کورستیلماقده.

یاز فصلی مکتبی ترکچه نینگ محبت لی شاعری نینگ آتی گه ایجاد ایتیلگن یونس امره انستیتوتی تامانیدن 7 ییل دن بیری اویوشتیریلماقده دیر. اوشبو حرکت بیلن ترکچه و ترک مدنیتینی معرفی قیلیش چوکاتیده مهم درجه ده بیر پروسه آلیب باریلماقده.

مذکور اداره چیت ایللرده 45 مرکزده فعالت آلیب بارماقده دیر. ایلک بار بو ییل امریکا قاره سینی پروگرام گه کیریتیب، جنوبی امریکاگه هم مرکز آچماقچی.

اوتگن ییل 60 اولکه دن کیلگن تقریباً 500 اوقووچی نینگ اشتراکی بیلن "1000 ییل نینگ سیسی ترکچه بیره می" طنطنه لی بیر شکلده نشانلنگن ایدی. اوقووچیلر ترکچه اوله راق دنیاگه صلح، دوستلیک و سیوگی پیامی ترقتگن ایدیلر.