اوزبیک تیلیده نماز حقیده بیر مقاله

دعا, عبادت و اِیله نیش معنی سی گه کیله دیگن نماز نینگ عرب تیلیده گی آتی صلات دن عبارت.  عینی دمده دعا الله تعالی نینگ کوچی گه قرشی ایگیلیش, بنده لیک قیلیش و لغوی جهت دن باغ (گره) معنی لری گه کیلماقده.  مقدس اسلام دینیده نماز مسلمان بیر کیشی نینگ معراجی یعنی الله سبحانه و تعالی گه یقین له شیشی اوچون بیر یولدن عبارت.  شونده ی قیلیب نماز الله تعالی گه یقین له شیش نینگ یولی اوله راق قبول قیلینماقده.  شوباعث نماز اینگ مهم عبادت صفتیده بهالنتریلماقده.  مسلمان بیر کیشی نماز وسیله سی بیلن الله تعالی نینگ حضوری گه باریب بیر بنده صفتیده اونگه سیسی نی ایشیتتیریش گه حرکت ایته دی.  شونده ی قیلیب دنیا نینگ برچه ایش و مفکوره لریدن اوزاق له شیب روحی جهت یوقاری پاغانه لر گه چیقیب کیته دی اوشبو کیشی.

قرآن کریمده کوپلب آیت مبارکه ده, نماز نینگ وقتیده جوده یخشی بیر شکلده اوقیلیشی کیره ک ایکن لیگی بویوریلگن.  شوباعث, نماز مسلمان لرنینگ جدی بیر شکلده بجا کیلتیریلیشی کیره ک بولگن بیر عبادت دن عبارت.  عینی دمده قرآن کریمده مومن لرنینگ جان و کونگلدن نماز اوقیگن لر, نماز لری نی وقتیده اوقیگن لر و دواملی بیر شکلده نماز اوقیتگن لر اوله راق صنفلنتریلگن لیک لری کورینماقده.  بوندن تشقری نماز نی جدی بیر شکلده ایمس, بلکه باشقه لر گه نماز اوقیتگن لیگی نی کورسه تیش اوچون نماز اوقیتگن کیشی لرنینگ هم موجود ایکن لیگی گه دقت قره تیلماقده. 

پیغمبری میز حضرت محمد (ص) نماز نینگ دین نینگ اساسی نی تشکیل ایتگن لیگی نی بویورگنلر.  حضرت پیغمبری میز نینگ نماز اوقیتگن پیتده بو دنیا نی ایسدن چیقریب قویب آخرت گه غرق بولیب کیتگن دیک نماز اوقیگن لیک لری  بویوریلگن.  شوباعث اونینگ دیک نماز اوقیش گه حرکت ایتگن مومن لر هم بدنی, ذهنی و قلبی مشترک بیر شکلده حرکت ایته دی.  بدن, نماز نینگ رکوع, قیام, سجده و قرات سنگری رکن لری نی بجا کیلتیره دی.  ذهن بیلن اوقیلگن دعا لرنینگ معنی سی درک ایتیلیش گه حرکت ایتیله دی.  اوشبو اثنا ده قلب ایسه سیوگی و حرکت تویغو لری دن تولیق بولیب قاله دی. بدن نینگ باشقه قسم لری هم اوشبو عبادت نینگ جوده یخشی بیر شکلده قیلینیشی نی تامین ایته دی.  نماز نینگ الله نی کوریتگن دیک بیر شکلده اوقیلیشی کیره ک.  قیام الله نینگ حضوریده توریش, رکوع فقط گینه الله گه ایگیلیش و سجده ایسه بنده نینگ الله گه اینگ یقین بولگن بیر وقت دن نماینده لیک ایتماقده.  شوباعث, نماز نینگ برچه عبادت شکل لری نی قمره گن لیگی نی ایسله تیب اوتیشی میز ممکن.

نماز نینگ جوده یخشی بیر شکلده اوقیلیشی اوچون نمازده فقط گینه الله نینگ رضاسیدن باشقه بیر مفکوره نینگ موجود بولمس لیگی کیره ک.  پیغمبری میز بنده نینگ دنیا نی ترک ایتگن دیک بیر شکلده نماز اوقیشی نی توصیه ایتگن لر.  عزرائیل نینگ آرقه سیده تورگن لیگی و نماز نینگ اوقیلیب بولیشی آرتیدن  جان نی آله دیگن لیگی نی اویلب نماز اوقیدیگن بنده نینگ اوشبو نماز نی جوده یخشی بیر شکلده اوقیدیگن لیگی گه تیگیشلی هیچ قنده ی بیر شبهه موجود ایمس. شوباعث, پیغمبری میز هر نماز نینگ ودا نمازی شکلیده اوقیلیشی نی توصیه بویورگنلر. 

احسان شعوری بیلن اوقیلگن نماز, قلبلر گه مسئولیت تویغوسی جایلشتیررایکن, انسان نی یمان تویغو و مفکوره لردن اوزاق لشتیره دی.  شونده ی قیلیب حرکت لری نی کنترول آستی گه آلیب یمان لیق قیلیشی گه مانع بوله دی.  بیر کون نینگ معلوم وقت لریده الله حضوری گه باریتگن لیگی نی اویلیتگن بنده, اونینگ رضاسی نی کسب ایته آلیش اوچون اویغون حرکت لر قیلیش گه انچه اهمیت بیره دی.  قرآن کریمده العنکبوت سوره سی ۴۵ آیت مبارکه سیده, "... نمازینگ نی یخشی بیر شکلده اوقی, حقیقت دن هم نماز حیاسیزلیک و یمان لیق لردن اوزاق لشتیره دی" شکلیده بویوریلگن. 

بیر کیشی نینگ نماز اوقیدیگن جایی, لباسی و بدنی نینگ پاک بولیب طهارت و حتی غسل قیلیشی کیره ک بولگن لیگی اوچون نماز انسان نینگ مادی و معنوی جهتدن پاک بولیشی گه سبب بوله دی.  عینی دمده نماز انسان نینگ روحی نی هر خیل کیرلر دن پاک قیلیب قویه دی. اینگ مهمی ایسه, بیر کیشی نینگ نماز اوقیب گناه لردن پاک بولیشی دن عبارت البته که.  حضرت پیغمبری میز کونده بیش وقت  نماز نی بیر کیشی نینگ اوی نینگ اونگیدن آقیب کیتیتگن بیر اریق  و نماز اوقیش نی ایسه کونده بیش مراتبه اوشبو اریقده چومیلیش گه اوخشتگن لر.  باشقه بیر حدیث شریفده ایسه نماز نینگ انسان نی پاک قیلیب قویه دیگن لیگی بویوریلگن.  بیر حدیث شریفده, "وقتی کیلگنده بیر مسلمان کیشی نینگ طهارت قیلیب یخشی بیر شکلده فرض نمازی نی اوقیشی نینگ اوزی, کتته گناه لری نینگ موجود بولمس لیگی تقدیرده, آلدینگی گناه لری نینگ همه سی نینگ اوچیریلیب تشله نیشی گه سبب بوله دی" شکلیده بویوریلگن لیگی کورینماقده. 

نماز لرنینگ اوز وقتیده دواملی روشده اوقیلیشی, بیر کیشی نینگ حیاتی نینگ منظم بولیشی گه سبب بوله دی.  عینی دمده نماز مسلمان لرنینگ قیسقه بیر مدت بیلن دنیا ایش لریدن اوزاق له شیب, الله گه عبادت ایتیش لری و روانی جهتدن راحت بولیش لری گه سبب بوله دی البته که.  باشقه بیر تاماندن ایسه, البقره سوره سی ۱۵۳ نچی آیته کریمه سیده, "ای ایمان ایتگن کیشیلر! صبر قیلیب و نماز اوقیب الله دن یاردم طلب قیلینگ.  شبهه یوق که الله صبر قیلگن کیشی لر بیلن بیرگه دیر" شکلیده بویوریلیب نماز نینگ قیین چیلیک لر گه قرشی مقاومت وظیفه سی گه ایگه ایکن لیگی معلوم قیلینگن. 

نماز نینگ جماعت بیلن اوقیلیشی توصیه ایتیلرایکن, اوشبو نماز نینگ ثوابی نینگ انچه کوپ ایکن لیگی بویوریلگن.  جماعت ده جمعیت نینگ برچه انسان لری بیر صفده توریب نماز اوقیدیلر.  اوشبو نماز نینگ اوزی انسان لر آره سیده قرداش لیق و اوز ارا همکارلیک میزانی نی آرتریب یوباره دی.  جماعت آره سیده گی اوشبو معنوی یقین له شیش مادی همکارلیک لر گه هم سبب بوله دی.  جمعه و بیرم نماز لریده جماعت ده گی انسان لرنینگ سانی انچه کوپ بوله دی البته که.  شونده ی قیلیب مسجد لر اجتماعی جهتدن انسان لر آره سیده گی اوز ارا همکارلیک نینگ مرکزی گه ایله نیب قاله دی.