ایردوغان ارمنی لرگه قیغوداشلیک بیلدیردی

ایردوغان ارمنی لرگه قیغوداشلیک بیلدیردی

ترکیه جمهور رئیسی رجب طیب ایردوغان ترکیه ارمنی لری عمومی وکیلی آرام آتشیان گه ارمنی پتریکخانه سی نینگ مریم آنه کلیسه سیده عملگه آشیرگن 1915 نچی ییل حادثه لرینی نشانلش مراسمی اوچون پیام یوباردی.

آتشیان تمان اوقیلگن ایردغان نینگ پیامیده "بیرنچی دنیا حربیده قیین وضعیتده جان بیرگن عثمانلی ارمنی لری نینگ اولگن لیگینی یاد ایتیش اوچون ییغیلگن وطنداشلرگه سلام و حرمت لریم نی تقدیم ایته من" دیب اورغولنگن.عثمانلی ارمنی لری یشه گن دردلر یاد ایتیلیب، قیغوداشلیک بیلدیریلیشی و بو مراسم نینگ ترکیه ده عملگه اشیریلیشی باعث فخرلنگن لیگینی بیلدیرگن. انسانی ارزشلر، سیوینچ و دردلر بیرگه لیکده یشه تیلگن اناطولی توپراقلری وجدان و عدالت نی اورته گه قویماقده دیر. خودی شو تاریخی آگاه لیگی بیلن عثمانلی ارمنی لرینی یاد ایتیب دوام ایته میز دیب، تذکر بیرگن.

مشترک تاریخی و عنعنه لری بولگن قوشنی ایککی اولکه نینگ نفرت و دشمن لیک بیاناتلر بیلن بیراویدن اوزاق توتماقچی بولگن و تاریخنی سیاسی قیلماقچی بولگنلرگه قرشی دوستلیک و صلح آماجی بیلن فعالیت قیله میز. خودی شو مفکوره بیلن ابدیت گه انتقال قیلگن عثمانلی ارمنی لرینی یینه بیر بار حرمت بیلن یاد ایتیب، یشه ماقده بولگن قرینداشلریگه تسلیت بیلدیره من. عیندمده قیسی دین و عرققه باغلیغ بولسه عثمانلی دوره سیده جان بیرگن برچه عثمانلی وطنداشلرینی حرمت بیلن یاد ایته مین دیب ایتگن.