اردوغان: اوروپا ایککی یوزلمه چیلیک قیلماقده

ترکیه جمهوریتی جمهوررئیسی رجب طیب اردوغان, ترور تشکیلاتی پی کا کا نینگ اوروپا کینگشی بناسی گه یقین بیر جایده خیمه قوریب آلیشی گه اجازت بیرگن بلجیم گه قتتیق عکس العمل کورستدی.

اردوغان, "دشمنلرنی بغرینگیز گه باسماقده سیز" دییه قید ایتدی.

چنق قلعه غلبه سی نینگ ۱۰۱ نچی ییللیگی مناسبتی بیلن ترتیب لنگن مراسمده معروضه قیلگن اردوغان, بلجیم و باشقه اوروپا اولکه لری نینگ تروریزم خصوصیده صمیمی بیر سیاست گه ایگه ایمسلیگی نی بیلدیردی.

اردوغان, "ترور تشکیلاتی نینگ سوزده بیراغی نینگ آسیلیشی گه اجازت بیرگن تامانلر ماینلردن تولیق بیر ساحه ده اوینه گن بوله دی" دییه قید ایترایکن, اوز سوز لری نی, "قچان انفجار ایته دیگن لیگی نینگ معلوم ایمس لیگی گه قره مسدن, اوشبو ماین لر نینگ البته که پارتلب کیته دیگن لیگی تورگن گپ" شکلیده دوام ایتتیردی.

الده نیشی ممکن بولگن بیر ترک دولتی یاکه ملتی نینگ موجود ایمسلیگی نی بیلدیرگن جمهوررئیسی اردوغان, "قوینینگیزده بیر ییلان بار. اوشبو ییلان نینگ سیز نی هم چاقیب آلیشی ممکن. اوز اولکه نگیز هدف قیلیب آلینگنده اجازت بیرمیدیگن فعالیت لر گه ترکیه بحث موضوعی بولگن تقدیرده اجازت بیریشدن ایندی واز کیچینگ" دییه قید ایتدی.

اردوغان, تروریزم گه قرشی صمیمی بولمسلیک نینگ, تروریزم گه تسلیم بولیش معنی سی گه کیله دیگن لیگی نی ایسله تیب اوتدی.