جمهوررئیسی اردوغان: قرداش صفتیده گینه گه کیله میز

ترکیه جمهوریتی جمهوررئیسی رجب طیب اردوغان, گینه گه اوتمیشده گی استعمارچیلر کبی ایمس, بلکه قرداشلیق مناسبتلری بیلن باریش نی آرزو ایتیتگن لیگینی بیلدیردی.

جمهوررئیسی اردوغان افریقا گه قیلگن سفری دایره سیده اینگ سونگ گینه گه تشریف بیوردی.

ایککی اولکه آره سیده مدافعه, اقتصاد و ساغلیق سنگری ساحه لر بوییچه ۹ کیلیشوو گه قول قویلدی.

گینه جمهوررئیسی آلفا کوندی بیلن مشترک روشده ترتیب لنگن مطبوعاتی کنفرانس جریانیده جمهوررئیسی اردوغان, "گینه نی فقط گینه دوست ایمس, بلکه عینی دمده قرداش بیر اولکه صفتیده کورماقده میز" دییه قید ایترایکن, ترک هوا یوللری نینگ جون آییدن باشلب گینه گه اوچیب باشلیدیگن لیگی نی ایسله تیب اوتدی.

ایککی اولکه آره سیده گی علاقه لر باره سیده هم بحث ایتگن اردوغان, گینه نینگ معدن جهتی دن بای بیر اولکه دن عبارت ایکن لیگی نی بیلدیررایکن, ۶۹ میلیون دالر لیک تجارت حجمی نی ایلک نوبتده ۲۵۰ و کیین چه لیک ایسه ۵۰۰ میلیون دالر گه آرتیریش نی پلان لیتگن لیک لری نی معلوم قیلدی.

گینه جمهوررئیسی آلفا کوندی هم, جمهوررئیسی اردوغان نینگ اولکه سی گه سفر قیلگن لیگی اوچون خرسند ایکن لیگی نی معلوم قیلرایکن, "حرمتلی جمهوررئیسی فقط گینه بیر جمهوررئیسی ایمس, بلکه مسلمان قرداشی میز صفتیده کیلدی. اوشبو سفر دن گینه لیک لر یخشی درس آله دی" دییه قید ایتدی.

جمهوررئیسی اردوغان, جمهوررئیسی کوندی نینگ توغیلگن کونی مناسبتی بیلن استانبول شهردارلیگی نینگ گینه پایتختی گه ۵۰ عراده شهری بس ساوغه قیله دیگن لیگی نی بیلدیردی.

جمهوررئیسی اردوغان گینه سفری نینگ اداغگه ییتیشیشی آرتیدن ترکیه گه قیتیب کیلدی.