ترکیه جمهوررئیسی ایران نی تنقید ایتدی

ترکیه جمهوریتی جمهوررئیسی رجب طیب اردوغان, ترکیه نینگ, یمن جمهوررئیسی عبدالربه منصور هادی نینگ طلبی گه بناً, سعودی عربستان ایتکچی لیگی ده گی عرب اولکه لری نینگ, حوثی لر گه قره ته باشله تیب یوبارگن "قرارلی لیک طوفانی" عملیاتی نی حمایه لیتگن لیگی نی بیلدیردی.
اردوغان, فرانس ۲۴ تلویزیونی بیلن قیلگن مصاحبه سیده, "وضعیت گه کوره لوژستیک همکارلیک بوییچه باش قاتریشی میز ممکن" دییه قید ایتدی.
شیعه حوثی لرنینگ, القاعده و باشقه تروریست لر بیلن بیرگه یمن دن چیکیلیشی کیره ک ایکن لیگی نی بیلدیرگن اردوغان, خودی منه شو موضوع نینگ اوزی نینگ ایران اوچون هم مطرح ایکن لیگی نی معلوم قیلدی.
عینی دمده ایران نینگ عراق ده گی اوز تاثیری نی آرتریش تشبث لری نی هم تنقید ایتگن جمهوررئیسی اردوغان, تهران رهبریتی نینگ ترور تشکیلاتی داعش نی منطقه دن اوزاق لشتریب اوزی نینگ اوشبو جغرافیه گه جایله شیب آلیش گه حرکت ایتیتگن لیگی نی ایسله تیب اوتدی.
ائتلافی کوچ لرنینگ داعش گه قره تیلگن هوائی عملیاتی نینگ ییترلیک ایمس لیگی نی بیلدیرگن اردوغان, "داعش نینگ مغلوب ایتیلیشی اوچون پیاده عملیات ضروری" دییه قید ایتدی.
داعش نینگ, اسلام دینی بیلن هیچ قندای بیر ارتباطی نینگ موجود بولمه گن لیگی و بیر دولت دن هم عبارت ایمس لیگی نی بیلدیرگن اردوغان, اوز سوز لری نی, " داعش بیر تروریست گروه دن عبارت" شکلیده دوام ایتتردی.