ترکیه نینگ سوریه ده گی عملیاتی: سیاسی تحلیل

ترکیه, میلادی ۲۰۱۵ نچی ییلی فبروری آیی نینگ ۲۲ نچی کونیده, سوریه نینگ شمالی ده ترکیه چیگره سی گه ۳۷ کیلومتر لیک بیر مسافه ده اورین آلگن توپراغیدن عبارت سلیمان شاه مزاری و خودی منه شو ییر نینگ اوزی ده اورین آلگن پوسته گه بیر عملیات اویشتردی. هیچ قندای بیر اوروش یوز بیرمسدن سلیمان شاه نینگ مزاری و ۳۸ نفر ترک حربی سی سوریه نینگ ایشمه منطقه سی گه انتقال ایتتریلدی. شاه فرات کود اسمی گه ایگه اوشبو عملیات دنیا نینگ دقتی نی اوزی گه تارترایکن, خلق ارا نشراتی اورگان لر هم خودی منه شو عملیات گه کینگ اورین اجره تدی. میلادی ۱۹۲۱ نچی ییلی کیلیشویی و خلق ارا حقوق گه اویغون بیر شکلده اویشتریلگن لیگی اوچون عموماً آلیب قره گنده اوشبو عملیات بیلن علاقه لی مثبت فکر لر گه اورین اجره تیلدی.
بونگه قره مسدن, ترکیه نینگ سوریه و حامی لری گه مخالف بیر سیاست آلیب باریتگن لیگی سببلی سوریه و اونی حمایه لیتگن ایران نینگ اوشبو عملیات گه قتتیق عکس العمل کورستگن لیگی عادی بیر نرسه نی تشکیل ایتماقده. براق, امریکا قوشمه ایالت لری و روسیه بیلن بیر قطارده بیرلشگن ملت لر تشکیلاتی نینگ هم اوشبو عملیات گه قرشی عکس العمل کورستمه گن لیگی کورینماقده. خودی منه شو وضعیت نینگ اوزی ایسه اوشبو حربی عملیات نینگ خلق ارا حقوق قاعده لری گه اویغون ایکن لیگی نی کورستماقده. ایندی ایسه, "ترکیه نیمه اوچون اوشبو وقت نینگ اوزی ده بوندای بیر عملیات اویشتردی؟" و "اوشبو عملیات نینگ قندای تاثیری نینگ بولیشی ممکن؟" شکلیده گی سئوال لرگه جواب قیتریش کیره ک.
بیرینچی دن ترکیه نینگ سوریه ده گی اوروش لرنینگ اورته سیده قالیب کیتگن مزار و حربی لرنینگ کیله جگی باره سیده خواطرله نیتگن لیگی سببلی اوشبو عملیات نینگ کوتیلمه گن بیر عملیات دن عبارت بولمه گن لیگی نی ایسله تیب اوتیش کیره ک. منطقه ده داعش و باشقه گروه لرنینگ موجود ایکن لیگی سببلی ترک حربی لرنینگ منطقه ده گی فعالیت لری بوییچه ایریم قیین چیلیک لر پیدا بولیب قالگن ایدی. شوباعث قریب بیر ییلدن بیری اوشبو عملیات باره سیده بحث ایتیلرایکن, وزیر لر کینگشی جریانیده هم خودی منه شو موضوع توغری سیده بحث ایتیلیب کیلینماقده ایدی. ترکیه نینگ اوشبو موضوع بیلن علاقه لی اوچ یولی موجود ایدی. ترکیه نینگ منطقه ده محافظوی بیر کمربند قوریشی, منطقه ده گی گروه لر بیلن همکارلیک ایتیشی یاکه بیر عملیات اویشتریب مزار و حربی لرنی انتقال ایتتریشی کیره ک ایدی. شوندای قیلیب ترکیه اوچینچی یول نی تنلب, بیر عملیات اویشتریب مزار و حربی لر نی ریسک سیز بیر منطقه گه انتقال ایتتیردی.
ترکیه نینگ, بیرینچی یول نی تنلب مزار و حربی لر نی محافظه ایتیش اوچون منطقه گه کیریشی تقدیرده, سوریه ده گی ایچکی اوروش لر نینگ فعال بیر تمانی گه ایله نیب قالیشی ممکن ایدی. ایککینچی یول نی سیله مس ایکن, شوندای قیلیب داعش و منطقه ده گی باشقه گروه لر بیلن ارتباطی و سوریه ده حربی امکانیت لری نینگ موجود ایمس لیگی نی کورسه تیب بیردی ترکیه.
ترکیه نینگ سیله گن اوچینچی یول ایسه, اینگ تینچ لیک سیور بیر ستراتیژی دن عبارت بولدی. شوندای قیلیب ترکیه سوریه ده گی اوروش لر گه مداخله ایتمه گن لیگی و مداخله ایتیش گه طرفدار ایمس لیگی نی کورسه تیب بیردی.
ترکیه نینگ, خودی منه شو وقت نینگ اوزیده بوندای بیر عملیات اویشترگن لیگی نینگ اساسی سببی نینگ ایسه مزار و ترک حربی لر و قالیویرسه ترکیه گه قرشی هر قندای بیر حمله گه مانع بولیش دن عبارت ایکن لیگی کورینماقده. اوشبو موضوع بیلن علاقه لی تورت اساسی احتمال موجود ایدی: بیرینچی سی, ترکیه نینگ فبروری آیی نینگ ۱۹ نچی کونیده سوریه لیک مخالف لرنینگ ترینینگی و تجهیز ایتیلیشی بیلن علاقه لی کیلیشو امضاله گن لیگی دن عبارت. خودی منه شو موضوع نینگ اوزی داعش نینگ هجوم احتمالی نی مطرح قیلیب قویگن ایدی. شوندای قیلیب ترکیه اوشبو کیلیشو نی امضالرایکن, سوریه مسئله سی بوییچه امریکا بیلن همکار ایکن لیگی و داعش گه مخالف بیر سیاست آلیب باریتگن لیگی نی کورسه تیب بیرگن بولدی. اوشبو دایره ده داعش نینگ ترکیه نینگ سوریه ده گی موجودیتی گه هجوم اویشتریشی احتمالی موجود ایدی. شوباعث ترکیه اوشبو عملیاتی بیلن هیچ بولمه سه حاضرگی کونده داعش نینگ سوریه نینگ ایچی ده اوزی گه قره تیلگن هجومی گه مانع بولگن لیگی کورینماقده.
ایککینچی اوله راق, حلب و شمال ده گی ایچکی اوروش لر بوییچه موازنه لرنینگ اوزگریب باریتگن لیگی کوزگه تشلنماقده. شوندای قیلیب, داعش, مخالف لر و سوریه اردوسی آره سیده گی اوروش لر نینگ کونساین آرتیب باریتگن لیگی کورینماقده. خودی منه شو وضعیت نینگ اوزی ایسه, ییترلیک مقیاسده مدافعه امکانیت لر گه ایگه بولمه گن ترک حربی لری نینگ خوف سیزلیگی نی خطرلیک بیر وضعیت گه کیتیرماقده ایدی.
اوچینچی اوله راق, مثال قیلیب آلگنده اردون لیک پیلوت نینگ عاقبتی کبی ترک حربی لری نینگ تیریک بیر شکلده یاندیریلیب یوباریلیشی سنگری بیر حادثه نینگ یوز بیریشی تقدیرده, جوده هم یمان بیر وضعیت بولر ایدی البته که. ترکیه بوندای بیر وضعیت گه دوچ کیلیب قالمس لیگی اوچون, موصل ده گی ۴۹ نفر دیپلوماتی نی نجات بیرگن لیگی دیک, بوندای بیر عملیات اویشتیریش نی یخشی بیر یول اوله راق سیله دی.
تورتینچی دن, تورت ییل لیق بیر مدت مابینیده سوریه ده گی ایچکی اوروش لر نینگ ییچیله آلمیدیگن بیر وضعیت گه کیلیب قالگن لیگی کورینماقده. ترکیه, امریکا قوشمه ایالت لری و باشقه ائتلاف کوچ لری نینگ سوریه بیلن علاقه لی پلان لری نینگ تطبیق ایتیله آلمه گن لیگی کوزگه تشلنماقده. بوندای بیر وضعیت نینگ اوزی ده ستراتیژی لر ده اوز گریش نینگ بحث موضوعی بولیشی کیره ک. شاه فرات عملیاتی, ترکیه نینگ سوریه سیاستی ده ایریم اوزگریش لر کریته دیگن لیگی نینگ کورستگیچی دن عبارت. ترکیه نینگ اوباما رهبریتی و باشقه اکتور لر کبی, بیرینچی دن داعش تهدیدی گه قرشی کوره ش گه اهمیت بیره دیگن لیگی کورینماقده. لیکن, ترکیه حاضرگی کونده هم سوریه ده بشار الاسد تیزیمی نینگ اوزگریشی کیره ک ایکن لیگی نی بیلدیرماقده. حاضرگی کونده اوشبو موضوع بیلن علاقه لی اوز سیاستی نی اوزگرتیشی ممکن ایمس. براق, اوشبو مقصد گه ایریشیش اوچون خلق ارا جامعه نینگ اوز ارا همکارلیکده فعالیت آلیب باریشی کیره ک البته که.
ترکیه, داعش گه قرشی کوره ش بوییچه فقط گینه امریکا قوشمه ایالت لری ایمس, بلکه عراق و سوریه ده گی داعش گه مخالف گروه لر بیلن هم همکارلیک ایتماقده. مثال قیلیب آلگنده ترکیه اوشبو دایره ده عراقده گی پیشمرگ لر گه ترینینگ بیرماقده. باشقه بیر تماندن ایسه, ترکیه نینگ کوبانی نینگ داعش جنگری لری دن تصفیه ایتیلیشی بوییچه جدی بیر شکلده حصه قوشگن لیگی کورینماقده. شاه فرات عملیاتی نینگ کوبانی آرقه لی اویشتریلگن لیگی نینگ اوزی اوشبو همکارلیک نینگ کورستگیچی نی تشکیل ایتماقده. اوشبو وضعیت نینگ اوزی نینگ ترکیه نینگ سیاستی بیلن بیر قطارده ترکیه تروریزم گه بیر ییچیم یولی نینگ تاپیلیشی گه حصه قوشه دیگن لیگی نی هم ایسدن چیقارمس لیک کیره ک.