ترکیه جمهوررئیسی بوگون ترکمنستان گه جونب کیتدی

ترکیه جمهوریتی جمهوررئیسی رجب طیب اردوغان بوگون رسمی بیر سفر بیلن ترکمنستان گه جونب کیتدی.
ترکمنستان جمهوررئیسی قربانقلی بیردی محمدوف, جمهوررئیسی اردوغان نی اوغوزخان قصری ده رسمی مراسم بیلن کوتیب آله دی.
مراسم آرتیدن بولیب اوته دیگن یککه مه یککه و هیئت لر ارا اوچره شو لر جریانی ده ایککی اولکه آره سیده گی اقتصادی علاقه لر باره سیده بحث ایتیله دی.
جمهوررئیسی اردوغان, ترکمنستان نینگ ایلک جمهوررئیسی سَپَر مراد ترکمنباشی نینگ مزاری نی هم باریب کوره دی.
کیین چه لیک مستقل لیق یادگارلیگی گه گل قویه دیگن اردوغان, دوست لیک پارکی ده کُوچَت ایکیش مراسمی گه هم اشتراک ایته دی.
عینی دمده میلادی ۲۰۱۷ نچی ییلی ده ترکمنستان ده بولیب اوته دیگن آسیا اوین لری اوچون ساختمانی ایش لری دوام ایتیتگن اولمپیاد قشلاغی نی باریب کوره دیگن اردوغان نینگ, مخدومقلی عالی بیلیم یورتی ده بیر کنفرانس گه اشتراک ایتیشی هم کوتیلماقده.