ترکیه باش وزیری نینگ اورین باسری نعمان قورتولموش نینگ مصاحبه سی

ترکیه جمهوریتی باش وزیری نینگ اورین باسری نعمان قوتیلموش تی آر تی بیلن بیر مصاحبه قیلدی.
ایندی کیلینگ اوشبو مصاحبه جریانی ده بیریلگن سئوال لر گه جواب لر نینگ قندای بولگن لیگی نی کوری لیک.
سئوال: ینگی کابینه ده چیت ایل لرده یشیتگن ترک لر و قرینداش جمعیت لر بوییچه مسئول باش وزیر اورین باسری بولدینگیز. اوشبو دایره ده چیت ایل لر ده یشیتگن ترک لر گه کیله جک دور بیلن علاقه لی نیمه لر دییشینگیز ممکن؟
جواب: بیرینچی دن بیز گه باغلیق اوله راق فعالیت آلیب باریتگن چیت ایل لرده یشیتگن ترک لر و قرینداش جمعیت لر ریاستی نینگ فعالیت لری بیلن حکومت و همده ترک تبعه لری اوله فخر له نیشی میز نینگ ممکن ایکن لیگی نی اویله ماقده میز. جوده یخشی فعالیت لر آلیب باریلماقده. بیز نینگ فعالیت ساحه لری میز, چیت ایل لر ده گی یشیتگن ترک تبعه لری, ترکیه نینگ مدنیتی آستی ده یشه گن قرینداش لری میز یعنی بالکان لر, قفقاز لر, اورته شرق و دنیا نینگ فرقلی منطقه لری ده یشیتگن انسان لر دن تشقری و چیت ایل لر دن ترکیه گه کیلگن یاش لر گه بورس تامین ایتیلیب بیریلیشی دن عبارت. شوندای قلیب فعالیت ساحه میز جوده هم کینگیش. باشقه چه قلیب ایتگنده قییرده ترک بولسه بیز اولر نینگ قیین چیلیک لری بیلن شغلله نه میز. ترکیه گه بیزنینگ مدنیت جغرافیه میز و همده دنیا نینگ فرقلی جای لری دن انسان لرنینگ کیلیشی نی تامین ایتیش گه حرکت ایتماقده میز. کونساین اوشبو ایش لری میز نینگ کولمی آرتیب بارماقده. حاضرگی کونده ۶ میلیون ترک تبعه سی چیت ایل لر ده حیات کیچیرماقده. خودی منه شو کیشی لرنینگ بیش میلیون نفری اوروپا ده یشه ماقده. آسترالیا نینگ اوزی ده ۱۵۰ مینگ انسانی میز یشه ماقده. اون مینگ لب ترک امریکا قوشمه ایالت لری ده حیات کیچیرماقده. حتی لاتین امریکا ده یشیتگن ترک لر هم موجود. شوباعث, بیز خودی منه شو ۶ میلیون ترک نینگ قیین چیلیک لری باره سیده باش قاترماقده میز. اوشبو کیشی لرنینگ ماوی کارتی دن باشلب, او ییرده ترک نادولت تشکیلات لرنینگ فعالیت لری نینگ یخشی بیر شکل ده دوام ایتتریلیشی گه قدر برچه موضوع لر باره سیده قولی میز دن کیله دیگن امکانیت لر بیلن همکارلیک ایتیش گه حرکت ایتماقده میز. عینی دمده بالکان لر, قفقاز لر, اورته شرق و دنیا نینگ باشقه جای لری ده حقیقت دن هم فرهنگی میراثی میز نینگ اسره لیب قالینیشی و او ییرده گی قرینداش لری نینگ مشکل لری نینگ حل ایتیلیشی اوچون جدی فعالیت لر آلیب بارماقده میز. باشقه بیر فعالیت ساحه میز ایسه, دنیا نینگ فرقلی اولکه لری دن انسان لرنینگ کیلیب ترکیه ده اوقیش لری اوچون زمینه نینگ یره تیلیب بیریلیشی دن عبارت. حاضرگی کونده اوشبو رقم ۱۳ مینگ گه کوتریلیب کیتگن وضعیت ده. خودی منه شو کیشی لرنینگ ترکیه گه کیتیریلیش لری, عالی بیلیم یورت لری گه جای لشتریلیش لری و بورس امکانیت لری نینگ تامین ایتیلیب بیریلیشی بیز نینگ وظیفه میز دن عبارت. بوندن تشقری چیت ایل لر دن کیلیتگن اوقوچی لرنینگ اوز اولکه لری گه کیتیش لری اوچون هم زمینه یره تیلیب بیریلماقده. مثال قلیب آلگنده جاری ییل ده ۱۳ مینگ نفر دن ۴ مینگ نفر اوقوچی بورس لیک بیر شکل ده اوقیتیله دی. اوشبو دایره ده قریب ۸۰ مینگ نفر اوقوچی نینگ چیت ایل لر دن مراجعه ایتگن لیک لری کورینماقده. خودی منه شو وضعیت نینگ اوزی ترکیه گه قرشی قیزیقیش نینگ آرتیب کیتگن لیگی نی کورستماقده. اوشبو موضوع بیلن علاقه لی چیت ایل لرده یشیتگن ترک لر و قرینداش جمعیت لر ریاستی نینگ مهم بیر رول گه ایگه بولگن لیگی نی ایسله تیب اوتیش کیره ک. شوباعث بیز چیت ایل لر ده یشیتگن برچه ترک لرنینگ قیین چیلیک لری باره سیده باش قاتریب, اوشبو قیین چیلیک لر نی ییچیش گه حرکت ایتماقده میز. چیت ایل لر ده یشیتگن ترک لر نینگ مطابقت قیین چیلیک لری باره سیده هم بحث ایتماقده میز. اوروپا ده یشیتگن ۶ میلیون ترک دن قریب ۳ یریم میلیون نفری آلمان ده حیات کیچیرماقده. خودی منه شو ترک لر دن تشقری آسترالیا, فرانسه و باشقه اولکه لر ده یشیتگن ترک لرنینگ مطابقت قیین چیلیک لری باره سیده باش قاتریب اوشبو معما لرنی ییچیش گه حرکت ایتماقده میز. اوروپا ده گی باشقه بیر مشکلی میز هم اوشبو جغرافیه ده کونساین آرتیب باریتگن اسلامفوبی و اِرقچی لیک دن عبارت. افسوس گه حاضرگی کونده اوشبو جغرافیه ده حتی اوز تبعه سی هم بولگن تقدیرده, چیت ایل لیک انسان لرنینگ یشش لری گه طرفدار بولمه گن انسان لرنینگ سانی نینگ آرتیب کیتگن لیگی کورینماقده. لیکن اوروپا نینگ برچه قسم لری ده بوندای بیر نرسه نینگ موجود ایکن لیگی نی ایسله تیب اوتیشی میز ممکن ایمس. براق, اوشبو معما آلمان, فرانسه و باشقه اولکه لر ده موجود. نتیجه ده اوشبو مسئله کتته قیین چیلیک لر دن بیری نی تشکیل ایتماقده. حاضرگی کونده بیر تمان ده, انسان لرنی اولدیریتگن, انسان لر گه ظلم ایتیتگن و تبعیض سیاست لری آلیب باریتگن عراق شام اسلام دولتی یعنی داعش کبی ترور تشکیلات لری موجود ایکن, باشقه بیر تماندن ایسه خودی منه شو وضعیت دن فایده له نیب اسلام نینگ تروریزم دن عبارت ایکن لیگی نی بلدریتگن اسلامفوبی لوبی سی موجود. شوباعث, فرهنگی میز نینگ مهم بیر بولیمی دن عبارت بولگن مقدس اسلام دینی نینگ اوشبو هجوم لر دن قورینیشی و اسلامفوبی گه مانع بولینیشی اوچون سعی و حرکت ایتیشی میز کیره ک. چیت ایل لرده یشیتگن ترک لر و قرینداش جمعیت لر ریاستی نینگ باشقه بیر وظیفه سی ایسه اوشبو موضوع بیلن علاقه لی شغلله نیش دن عبارت.
سئوال: قربان بیرمی انسان لر آره سیده همیارلیک نینگ اینگ مهم مثالی نی تشکیل ایتماقده. براق, غمگین بیر بیرم نی کوتیب آلماقده میز. دنیا نینگ کوپلب جای لری ده مسلمان لر کتته قیین چیلیک لر گه دوچ کیلیب قالگن وضعیت ده. بوندای بیر وضعیت ده اوشبو کیشی لر گه پیامینگیز نی نیمه بولیشی ممکن؟ یعنی بیرم بیلن علاقه پیامینگیز نی ایتیب بیرسنگیز.
جواب: توغری ایته سیز. اوشبو بیرم نی بیرم دیک کوتیب آلیشنی آرزو ایتماقده ایدیک. افسوس که بیز نینگ قوشنی لری میز سوریه و عراق ده وضعیت نی بیله سیز. ترکیه هم سوریه ده گی وضعیت دن اینگ کوپ تاثیر لنگن اولکه لر دن بیری. بیرینچی دن قریب ۳۶ مینگ نفر یزیدی ترکیه گه قاچیب کیلدی. بیز انسان لر نینگ دینی, تیلی, رنگی و مذهبی گه قره مسدن همه نی بغری میز گه باسدیک. اوروپا ده ایریم تمان لر نینگ, "قره نگ ترکیه فقط گینه سنی عرب لر نی قبول ایتماقده. یزیدی لر و کُرد لر نی ترکیه قبول ایتمیدی" شکلی ده بیانات لر بیریتگن لیک لری اوچون اوشبو موضوع لر نی معلوم قیلماقده من. کیین ایسه اوشبو تمان لر ترکیه نینگ مهمان پرورلیگی نی کوریب اویه لیب قالدی لر. بیرینچی دن یزیدی لر نی قبول ایتدیک, کیین چه لیک ایسه کوبانی نینگ تیگره گی ده گی داعش نینگ هجوم لری سببلی قاچیب کیلگن کُرد قرداش لری میز گه دروازه لری میز نی آچیب بیردیک. سپتامبر آیی نینگ ۱۹ نچی کونیده حتی ۱۸ ساعت لیک بیر مدت مابینیده ۷۰ مینگ نفر سوریه لیک کُرد قرداش لری میز نی ترکیه نینگ چیگره لری ایچی گه قبول ایتدیک. شوندای قلیب هیچ قندای بیر حادثه یوز بیرمسدن بو قدر کیشی نی قبول ایتیش گه موفق بولدیک. مین اویلیمن که دنیا ده باشقه بوندای بیر اولکه موجود ایمس. عینی دمده ۳ کون مابینیده ترکیه گه کیلگن کیشی لرنینگ سانی ۱۵۸ مینگ نفر دن هم آشیب کیتدی. شوباعث ترکیه اوشبو موضوع بیلن علاقه لی دنیا ده بیر الگو تشکیل ایتماقده. شوندای قلیب کیله دیگن همه گه یاردم ایتیش گه تیار میز. میلادی ۲۰۱۱ نچی ییلی ده سوریه ده مهاجر لر معما سی باشلب کیتگن کون دن بیری ترکیه گه کیلگن سوریه لیک مهاجر لرنینگ سانی ۱,۵ میلیون کیشی گه کوتریلیب کیتدی. خودی منه شو مهاجر لرنینگ قبول ایتیلیشی ایریم اقتصادی و اجتماعی قیین چیلیک لر گه سبب بولماقده. براق بیز قوشنی لر نی خفه قیلمسدن اوز خدمتی میز نی قیلماقده میز. ترکیه نینگ حاضرگی کونده دنیا ده بیریتگن یاردم لری جهتی دن اوچینچی اورین ده ایکن لیگی نی هم انسان لری میز نینگ بیلیشی کیره ک. امریکا بیلن انگلستان نینگ بیرینچی و ایککینچی ایکن لیک لری گه قره مسدن, ملی عایدات جهتی دن آلیب قره گنده ترکیه نینگ اوشبو موضوع بیلن علاقه لی بیرینچی اورین ده ایکن لیگی کورینماقده. ایندی قره نگ سیز گه ترکیه گه کیلگن مهاجر لر حقیده بحث ایتدیم. ایندی منه شو کیشی لر نی قره نگ همه نرسه سی نی اوز اولکه لری گه تشله شیب کیلگن لر. بیر اویلنگ چی جوده قیین بیر ایش. اوشبو کیشی لر, بیلمه گن باشقه بیر جای گه کوچ ایتگن و بیرم نی غمگین بیر شکل ده اوتکزیتگن انسان لر دن عبارت. عینی دمده اوشبو کیشی لر دن هم یمان وضعیت ده بولگن کیشی لر موجود. حتی اولدیریلگن کیشی لر هم موجود. فلسطین دن باشلب میانمار گه قدر بولگن جغرافیه ده کوپلب حیاتی خطر لر گه دوچ کیلیب قالگن کیشی لر موجود. شوندای قلیب اسلام جغرافیه سیده بمباردمان ایتیلیتگن مسلمان لر هم موجود. خدا گه شکر ترکیه بالکان لر, قفقاز لر, اورته شرق, شمالی افریقا و ایندی ایسه شرقی اوروپا ده گی قیین چیلیک لر گه قره مسدن, تینچ لیک و برقرار لیک نینگ مرکزی دن عبارت. ترکیه نینگ اوشبو خصوصیتی نی اسره ب قالیشی نی الله دن تیلب قاله من. ترکیه نینگ حقیقت دن هم سیاسی و اقتصادی برقرار لیگی نی اسره ب قالیشی نی خداوند تبارک و تعالی دن نیاز ایتماقده میز. اینگ مهمی ایسه, برچه اولکه لرنینگ باشقه لرنینگ یاردمی گه احتیاج حس ایتمسدن اوز حیاتی نی دوام ایتتریشی نی آرزو ایتماقده میز. حضرت پیغمبری میز محمد (ص) بیر حدیث شریف لری ده, "شوندای بیر کون نی آرزو ایتماقده من که, قری بیر عیال کیشی حضرموت دن حرکت ایتیب دمشق و حلب گه قدر امنیت بیر شکل ده بارسین" شکلی ده بیورگن لر. بیز خودی منه شوندای بیر جغرافیه نینگ قوریلیشی نی آرزو ایتماقده میز. انشاالله دنیا ده بوندای بیر وضعیت حاکم بوله دی. مین چیت ایل لر ده یشیتگن ۶ میلیون ترک و باشقه قرداش لری میز نینگ قربان بیرم لری نی چین کونگل دن تبریک ایتماقچی من. اوشبو کیشی لر نینگ اینگ اوزاق جای ده بولیش لری گه قره مسدن, قربان بیرمی نینگ قوشنی لیک و همکارلیک بیرمی دن عبارت ایکن لیگی نی بیلگن لیک لری نی بیله من. خودی منه شو کیشی لرنینگ ترکیه نی قنچه لیک ساغینیتگن لیک لری نی جوده یخشی بیله من. برچه ترک لر و قرداش لری میز نینگ تینچ و امان بیر شکل ده بیرم لری نی اوتکزیش لری نی آرزو ایتماقده من. بابا لری میز نینگ ایتگن لیگی دیک, الله همه نینگ آرزو ایتگن نرسه لری نی بیرسین, قورقگن نرسه لری دن اسره سین. همه نینگ بیرمی قوتلوغ بولسین.