ترکیه نینگ موصل قونسلگرلیگی گه قره تیلگن هجوم قاره لندی

بیرلشگن ملت لر تشکیلاتی خوف سیزلیک کینگشی ترکیه نینگ موصل قونسلگرلیگی گه قره تیلگن هجوم نی قاره لب چیقدی.
بیرلشگن ملت لر تشکیلاتی خوف سیزلیک کینگشی بیر بلدرو آرقه لی, عراق ده, عراق شام اسلام دولتی ترور تشکیلاتی نینگ هجوم لری و ترکیه نینگ موصل قونسلگرلیگی گه قره تیلگن هجومی نی قاره لب چیقدی.
منطقه ده برقرارسیزلیک گه سبب بولگن تروریستیک هجوم لر سببلی خلق نینگ منطقه نی ترک ایتیش گه مجبور بولیب قالگن لیگی قید ایتیلگن بلدروده, عراق حکومتی نینگ تروریزم گه قرشی کوره ش بوییچه بیر یقه دن باش چیقاریش توغری سیده گی دعوتی باره سیده خرسند چیلیک بلدریلدی.
بلدروده ترک قونسلگرلیگی گه قره تیلگن هجوم و قونسلگرلیک پرسونلی نینگ آلیب قاچیریلگن لیک لری هم قاره له نرایکن, پرسونل نینگ زود لیک بیلن ساغ بیر شکل ده قویب یوباریلیشی طلب ایتیلدی.
عینی دمده, برچه بیرلشگن ملت لر تشکیلاتی اعضاسی اولکه لر نینگ, عراق شام اسلام دولتی ترور تشکیلاتی گه قره تیلگن تحریم قرار لری نی تطبیق ایتیش لری و اوشبو ترور تشکیلاتی گه تیگیشلی سرمایه لرنینگ تونگنه تیلیشی, سیاحت ممنوعیتی و قورال ساتیش تحریمی گه باغلیق بولیب قالیشی طلب ایتیلدی.