بوگون تاریخده قنده ی ینگی لیک لر یوز بیردی؟ 5 مارچ

1933 – ییل 5 مارچ ده, آلمان ده بولیب اوتگن سیلاو لر نتیجه سیده ادولف هیتلر باشچی لیگی ده گی ناسیونال سوسیالست آلمان ایشچی حزبی رای لرنینگ 43,9 فایزی نی کسب ایتیب پارلمان ده حکومت نی قوریش اوچون کیره کلی اکثریت نی قولگه کیریتیش گه موفق بولدی.  نازی لر, 1 دسامبر ده ایسه آلمان ده گی برچه حزب لرنینگ فعالیت لری نی توخته تیب قویدی. 

1946– ییل 5 مارچ ده, ایککینچی دنیا اوروشی آرتیدن سویت اتفاقی بیلن شرقی اوروپا اولکه لری نینگ سمبولی بولگن "تیمیر پرده" اصطلاحی بیرینچی مرته انگلستان باش وزیری چرچیل تامانیدن استفاده ایتیلدی.   

1953– ییل 5 مارچ ده,  لنین نینگ اولیشی آرتیدن سویت اتفاقی ده قدرت نی قولگه کیریتیب 30 ییللیک بیر مدت مابینیده اوشبو اولکه نی قتتیق بیر شکلده باشقرگن جوزیف ستالین وفات ایتدی.  ایککینچی دنیا اوروشی بیلن سویت اتفاقی نی ابر قدرت گه ایلنتیریب قویگن ستالین, سویت اتفاقی ده گی کتته سورگین (تبعید) و قیرغین لرنینگ هم مسئولی دیب قبول ایتیلماقده.  رسمی معلومات لر گه کوره ستالین دوری ده 3 میلیون کیشی سورگین و ایش کمپ لریده حیاتی نی یوقاتگن.