بوگون تاریخده قنده ی ینگی لیک لر یوز بیردی؟ 22 جنوری

1517- ییل 22 جنوری ده, عثمانی امپراطورلیگی بیلن مصر و سوریه نی باشقریاتگن مملوک دولتی آره سیده "الریدانیه اوروشی" باشله دی.  مغلوب بولگن مملوک سلطانی نینگ اولکه سی نینگ ایچکی قسم لری گه چیکیلیب مقاومتی نی دوام ایتتیریشی گه قره مسدن, 4 فبروری ده عثمانی دولتی نینگ پادشاهی یاووز سلطان سلیم بیر مراسم بیلن پایتخت قاهره گه کیردی.  اوشبو ظفر آرتیدن مملوک دولتی قولب کیترایکن, مصر عثمانی دولتی گه قوشیلدی و خلیفه لیک هم عثمانی لر گه تاپشیریلدی. 

1666- ییل 22 جنوری ده, هندوستان نینگ تنیقلی امپراطوری شاه جهان, آگره ده 74 یاشیده وفات ایتدی.  دنیا نینگ اینگ مهم معماری اثر لری دن بیری بولگن "تاج محل" شاه جهان تامانیدن عیالی ممتاز محل اوچون قوردیریلگن.  شاه جهان نینگ جنازه سی هم تاج محل ده عیالی نینگ یانی گه دفن ایتیلدی.

1984- ییل 22 جنوری ده, کمپیوتر تکنالوژی سی بوییچه بیر انقلاب خصوصیتی گه ایگه شخصی کمپیوتر دن عبارت " Apple Macintosh " نینگ اعلاناتی بیریلدی.  بیر دقیقه لیک اوشبو اعلانات فقط گینه بیر مرته تلویزیون آرقه لی کورسه تیلگن لیگی گه قره مسدن, جوده کوپ سانلی کیشی تامانیدن تماشا قیلیندی.  خوددی شوو کمپیوتر لر 24 جنوری ده بازار لرده ساتیله باشله دی.