تاریخده بوگون 8- جنوری قیسی حادثه لر یوز بیرگن؟
تاریخده بوگون
8- جنوری
1324- ییل 8- جنوری کونی، وندیک لیک سوداگر بیر عایله ده توغیلگن 
تنیقلی سیاح مارکو پولو، 70 یاشده وندیکده اولدی. مارکو پولو، پاپ 9- گریگوریس Gregoris نینگ آته سی و امه کیسی نی کوبیل آی خان گه نامه جونتیش بیلن وظیفه لنتیریشی نینگ آرتیدن بویوک سیاحتلرگه باشله دی. 17 – ییل گچه تورلی مملکتلرگه سیاحت قیلگن مارکو پولو وندیک که بارگندن کیین ژنوایی لر بیلن یوز بیرگن اوروشده قولگه توشدی. انه شو قماقخانه دوریده دنیا مقاسیده تنیلگن سیاحت نامه سینی یازیش گه باشله دی.
1642- ییلی 8- جنوری کونی، مودرن فزیک و استرونوم (ستاره شناس) نینگ ایجادیاتچیلریدن دیب اتلگن ایتالیالیک بیلیمدان گلیلیئو گلیلیئی 79 یاشده 
اتیالیاده اولدی. گلیلیئو دنیانی قویاش نینگ اطرافیده ایلنیشینی اعلان ایتیشی نینگ آرتیدن کتولیک کلیسا سی نینگ محکمه سی تامانیدن اعدام گه محکوم ایتیلدی. بیراق بو تیزینی قیتیریب آلیشی بیلن عفو قیلیندی.
1916- ییل 8- جنوری کونیده, چنق قلعه ده متفق کوچ لر عثمانی لر اردوسی نینگ مقاومتی گه چیدیه آلمه دی. مغلوبیت گه اوچره ب گیلیبولو یریم ارالی 
دن چیکیله باشله دی. بیر کون کیین 5- اردو قومندانی اوتتو لیمان فون سندرس، گیلیبولو یریم آرالیده متفق کوچلریدن عسکر قالمه گنینی باش قومندانلیک که تلگراف آرقه لی بیلدیردی. موفقیت سیزلیگی سببلی انگلستان دینگیز کوچ لری قوماندانی جنرال وینستون چرچیل وظیفه سیدن استعفا قیلیشگه مجبور بولیب قالدی.
