بوگون تاریخده قنده ی ینگی لیک لر یوز بیردی؟ 4 جنوری

1969- ییل 4 جنوریده, میلادی 1965- ییلده امضالنگن "هر خیل عِرقچیلیک نینگ بیکار قیلینیشی بیلن علاقه لی خلق ارا کیلیشوو" کوچ گه کیردی.  اوشبو کیلیشوو نینگ تطبیق ایتیلیشی اوچون بیرلشگن ملت لر تشکیلاتی دایره سیده 18 اعضا دن تشکیل تاپگن "عرقچیلیک نینگ آلدینی آلیش کمیته سی" قوریلدی. 

1990- ییل 4 جنوریده, پاکستان نینگ سند منطقه سیده تاریخ نینگ اینگ کتته ریل فاجعه لریدن بیری یوز بیردی.  بیر یولاوچی ریلی یوک ریلی بیلن توقنشدی.  اوشبو حادثه عاقبتیده 307 نفر جان بیردی.

2006- ییل 4 جنوریده, صبرا و شتیلا کمپ لریده گی قیرغین لر سببلی فلسطین لیک لر آره سیده "قصاب" اسمی بیلن ذکر ایتیلیاتگن اسرائیل باش وزیری آریال شارون کُما گه کیردی.  میلادی 2000 – ییلده بیت المقدس ده حرم شریف گه کیلیشی بیلن 2- قوتیلیش کوره شی نینگ باشلب کیتیشی گه سبب بولگن شارون, فلسطین توپراق لری نی ایککی قسم گه اجره تیب قویگن دیوار نینگ هم اساسچی سی صفتیده بیلینماقده.  آریال شارون 8 ییل لیک کما دن کیین 2014- ییل 11 جنوری کونی وفات ایتدی. 

2010- ییل 4 جنوریده, 830 متر بلند لیگی بیلن دنیا نینگ اینگ یوکسک بنا سی عنوانی نی شانگهای تاور دن آلگن دبی ده گی برج خلیفه نینگ قوریلیش ایش لری تکمیل بولدی.