تاریخده بوگون 9- دسامبر قیسی حادثه لر یوز بیرگن؟

09- دسامبر

1893- ییل 9- دسامبر کونی، استانبولده ساووق هوانینگ باسیب کیلیشی بیلن خلیج دینگیزی موزلب کیتدی.

1917 – ییل 9- دسامبر کونی، عثمانلی اردوسی نینگ فلسطین جبهه سینی ترک ایتیشی بیلن بیت المقدس عثمانلی دولتی نینگ 400 ییل لیک حکمرانلیگیدن چیقدی. ایککی کون کیین جنرال النبئی Allenby قومنده سیده گی انگلیس اردوسی یفا ایشیگیدن کیریب شهرنی اشغال ایتیب آلدی.

1946- ییلی 9- دسامبر کونی، نورنبرگ سود لری نینگ ایککینچی باسقیچی باشلندی. داکترلرنینگ سودی دیب اتلگن ایککینچی باسقیچ انسانلر اوستیده تجربه اوتکزگن بیلیمدانلر محکمه بولدی.

1987- ییل 9- دسامبر کونی، فلسطین توپراقلریده قوتیلیش حرکتی باشله شی بیلن اسرائیل اردوسی غزه نواریده گی جبالیه قاچقینلر کمپی گه هجوم اویوشتیردی. بو هجوم عاقبتیده کوپلب فلسطینلیک حیاتینی یوقاتدی.

1990- ییل 9- دسامبر کونی، بیردملیک حرکتی نینگ ییتکچیسی لچ والسا Lech Walesa پولندده سیلاوده یوتوق قازانیب دولت باشلیغی بولدی.

1992- ییل 9- دسامبر کونی، انگلستان ولیعهد شهزاده سی چرلیس و ملیکه دیانانینگ اجره لنگن لیکلری بیلن تیگیشلی شاهلیک اعلامیه سی عوام کمره سی آرقه لی اوقیلیب اعلان قیلیندی. اویلنگندن 11 ییل کیین 1996 - ییل اجره لدیلر.

2002- ییل 9- دسامبر کونی، اندونزیا حکومتی بیلن آچه Aceh ده گی قوزغالانچیلر اورته سیده 26 ییل لیک اوروشنی اداغگه ییتکیزووچی کیلیشووگه قول قوییلدی.

2007- ییل 9- دسامبر کونی، تورکیه نینگ بویوک اقتصاددانی پروفیسور دوکتور صباح الدین زعیم 81 یاشده وفات ایتدی.