بوگون تاریخده قنده ی ینگی لیک لر یوز بیردی؟ 30 نوامبر

1872- ییل 30 نوامبرده, بیرینچی فوتبال مسابقه سی اسکاتلند بیلن انگلستان اورته سیده بولیب اوتدی.  اوشبو مسابقه ده رقیب تیم لر دن هیچ قیسی سی گول اوره آلمه دی. 

1900- ییل 30 نوامبرده, یازوچی اسکار وایلد پاریس ده حیات دن کوز یومدی.  انتحار ایتگن یازوچی نینگ هوتلده گی اتاقی نینگ دیواری گه "بیری میز نینگ کیتیشی کیره ک" دییه یازگن لیگی انیقلندی. 

1922- ییل 30 نوامبرده, مودانیا تینچلیک معاهده سی دایره سیده شرقی تراکیا ده گی سونگگی یونان عسکر لری هم منطقه نی ترک ایتدی. 

1974- ییل 30 نوامبرده, اتیوپیا ده 3,2 میلیون ییل آلدین یشب اوتگن بیر کیشی نینگ اسکلیتی تاپیلدی.  کاشف لری تامانیدن "لوسی" دیب ناملنگن اوشبو اسکلت نینگ 105 سانتی متر اوزونلیککه ایگه ایکن لیگی بیلدیریلدی. 

1982- ییل 30 نوامبرده, حاضرگی کون گه قدر دنیاده اینگ کوپ ساتیلگن مایکل جکسن نینگ "تریلر" ناملی البومی ساتیله باشلندی. 

2007- ییل 30 نوامبرده, تورکیه نینگ استانبول ولایتی دن اسپارتا ولایتی گه کیتیاتگن اطلس جت هوا یوللری شرکتی نینگ بیر یولاوچی طیاره سی اسپارتا یقینیده قولب توشدی.  اوشبو حادثه عاقبتیده 57 کیشی جان بیردی.