تاریخده بوگون 24 نوامبر قیسی حادثه لر یوز بیرگن؟
تاریخده بوگون
24- نوامبر
1859- ییل 24- نوامبر کونی، انگلیس بیلیمدان داروین نینگ بیلیم عالمی بیلن دینی اداره لر اورته سیده تارتیشووگه سبب بولگوچی "تورلرنینگ کیلیب چیقیشی" آتیده گی اثری چاپ بولیب چیقدی. داروین بو کتابیده ("تکامل تیئوریسی evolution theory ") تیزینی ایلک مرته اورته گه تشله دی.
1928- ییل 24 – نوامبر کونی، تورکیه ده "ملت مکتبلری" قوریش قانونی یایینلندی. مصطفی کمال آتاتورک "باش اوقیتووچیلیک نی" قبول ایتگن تاریخ بولمیش 24 نوامبر آته تورک نینگ توغیلیشی نینگ 100- ییل لیگی مناسبتی 1981 ییلدن باشلب تورکیه ده "اوقیتووچیلر کونی" ایتیب نشانلش گه باشلندی.
1934- ییل 24- نوامبر کونی، جمهور باشلیغی غازی مصطفی کمال تورکیه بویوک ملت مجلسی TBMM ده قبول بولیب چیققن قانون بیلن "آته تورک" تخلصینی قبول قیلیب آلدی. بو قانون آرقه لی "آته تورک" تخلصی فقط غازی مصطفی کمال نینگ آلیب استفاده قیلیشی گه رخصت بیریلدی.
1976- ییل 24- نوامبر کونی، تورکیه نینگ وان ولایتی و اطرافیده یوز بیرگن 7،2 رشترلیک ییر قیمیرلش حادثه سیده 3 مینگ 840 کیشی حیاتینی یوقاتدی.
1989- ییل 24- نوامبر کونی، پی کاکا منسوبی تروریست جنگریلر تورکیه نینگ حقاری ولایتی ایککی یقه قشلاغیده قتل عام قیلدی. کوپراغی باله و خاتین – قیزدن عبارت 28 کیشی اولدیریلدی.
1991- ییل 24- نوامبر کونی، دنیا مقیاسیده تنیقلی Quenn گروپ نینگ قوسیق کویلاوچیسی Freddy Mercury لندنده اولدی.
2015- ییلی 24- نوامبر کونی، تورک-روس مناسبتی بوییچه یقین تاریخده اینگ بویوک بحران یوز بیردی. سوریه نینگ لاذقیه قونلغه سیدن اوچگن روس هوا کوچلریگه باغلیغ SU-24 مودل حربی اوچاق تورکیه نینگ هوا ساحه سینی اخلال قیلگن لیگی اوچون تورک ایف-16 حربی اوچاغی آرقه لی اوریب توشیریلدی.
2017-ییل 24 –نوامبر کونی، مصرنینگ العریش شهریده جایلشگن بیر مسجدده القاعده تروریست جنگریلری هجوم اویوشتیردی. بو هجوم عاقبتیده 305 کیشی حیاتینی یوقاتدی 100 آرتیق کیشی یره لندی.
