بوگون تاریخده قنده ی ینگی لیک لر یوز بیردی؟ 17 نوامبر

1542- ییل 17 نوامبرده, عثمانی دولتی نینگ پادشاهی قانونی سلطان سلیمان نینگ استرگون یوریشی باشله دی.  اوشبو یوریش نتیجه سیده اطریش – هنگری امپراطورلیگی نینگ قولیده گی بلگراد شهری بیلن استرگون و باشقه کوپلب قلعه لر قولگه کیریتیلدی. 

1558- ییل 17 نوامبرده, انگلستان ملکه سی 1- ایلیزابیت تخت گه اوتیردی.  1- ایلیزابیت 45 ییل لیک اقتداری دوریده اولکه سی نی استعمارچی بیر امپراطورلیککه ایلنتیردی. 

1869- ییل 17 نوامبرده, انگلستان تامانیدن قوریلگن سُوَیس کانالی آچیلدی.  کانال آچیلگن کونده 164 کیلومتر اوزون لیک بیلن 8 متر چُقورلیککه ایگه ایدی. 

1952- ییل 17 نوامبرده, جمال عبدالناصر باشچیلیگیده گی ایرکین منصبدار لر جنبشی, مصر قرالی 1- فاروق نی تخت دن توشیردی.  شونده ی قیلیب قرال فاروق سورگون قیلیندی.

1989- ییل 17 نوامبرده, چکوسلواکیا ده مخمل انقلابی باشله دی.  تینچلیک سیور بیر نمایش اوچون پایتخت پراگ ده توپلنگن اوقووچی لر گه پولیس نینگ قتتیق عکس العمل کورسه تیشی بیلن اولکه نینگ هر تامانی گه یاییلیب کیتگن حادثه لر, چکوسلواکیا ده گی کمونیست رژیم نینگ قولَشی گه سبب بولدی.