بوگون تاریخده قنده ی ینگی لیک لر یوز بیردی؟ 29 اوکتوبر

1923- ییل 29 اکتوبرده, تورکیه بویوک ملت مجلسی تاریخی بیر ییغیلیش آرقه لی قوتیلیش اوروشی کیتیدن ینگی قوریلگن دولت نینگ سیاسی رژیمی نینگ "جمهوریت" بوله دیگن لیگی نی اعلان ایتدی.  شونده ی قیلیب اساسی قانون گه کیریتیلگن اوزگریش بیلن "تورکیه جمهوریتی" قوریلدی.  جمهوریت نینگ اعلان ایتیلیشی بیلن بیرگه تورکیه بویوک ملت مجلسی نینگ باشلیغی بولگن مصطفی کمال اتاتورک تورکیه جمهوریتی نینگ بیرینچی جمهوررئیسی ایتیب سَیلَندی. 

1924- ییل 29 اکتوبرده, لوزان تینچیلیک معاهده سی بیلن کیله جگی ملت لر جمعیتی گه تاپشیریلگن موصل حقیده گی قرار اعلان ایتیلدی.  تورکیه- عراق چیگره سی, موصل عراق ده قاله دیگن شکلده انیقلَندی.

1929- ییل 29 اکتوبرده, جهان بویلب بیرینچی مرته خلق ارا بیر اقتصادی بحران باشله دی.  شونده ی قیلیب آلدین امریکا قوشمه ایالتلریده باشله گن اوشبو بحران کیین  ایسه اوروپا اولکه لری گه هم ییتیب کیلدی. 

1933- ییل 29 اکتوبرده, جمهوررئیس مصطفی کمال اتاتورک, جمهوریت نینگ قوریلیشی نینگ 10- ییلیده انقره ده تاریخی بیر معروضه قیلدی. 

1992- ییل 29 اکتوبرده,  تورکیه قوراللی کوچ لری نینگ تورکیه- عراق چیگره سیده اویوشتیرگن عملیاتی نتیجه سیده ترور تشکیلاتی پی کا کا گه منسوب 90 نفر ترورچی یوق قیلیندی. 

1992- ییل 29 اکتوبرده, سویت اتفاقی دن اجره لیب مستقل بولگن قزاقستان و تورکمنستان بیرینچی مرته انقره ده سفارت لری نی آچدی.

1998- ییل 29 اکتوبرده, تورکیه, آذربایجان, گرجستان, قزاقستان و اوزبیکستان, خزر و اورته آسیا پطرول لری نینگ باکو- تیفلیس- جیحان پطرول قووری بیلن غرب بازاری گه آلیب باریلیشی بوییچه انقره اعلامیه سی نی امضاله دی. 

2006- ییل 29 اکتوبرده, نایجریا پایتختی آبوجا ده بیر یولاوچی اوچاغی نینگ قولب توشیشی عاقبتیده 198 کیشی هلاکتگه اوچره دی. 

2018- ییل 29 اکتوبرده, ینگی استانبول هوا قونلغه سی آچیلدی.  اوشبو هوا قونلغه سی ییللیک 200 میلیون یولاوچی ظرفیتی بیلن دنیا نینگ اینگ کتته هوا قونلغه سی خصوصیتی گه ایگه.