بوگون تاریخده قنده ی ینگی لیک لر یوز بیردی؟ 27 اوکتوبر

1492- ییل 27 اوکتوبرده, کریستف کلمب بیرینچی مرته کیوبا گه ایاق باسدی.

1806- ییل 27 اوکتوبرده, ناپلئون بوناپارت قومانده سیده گی فرانسه اردوسی برلین نی قولگه کیریتدی. 

1922- ییل 27 اوکتوبرده, ایتالیا ده بنیتو موسیلینی باشچیلیگیده گی فاشیست کوچ لر  ناپولی دن روم گه حرکت قیلدی.  ایککی کون کیین روم گه ییتیب بارگن اوشبو کوچ لر ائتلافی حکومت نی قوله تیب اقتدار نی قولگه کیریتدی.

1958- ییل 27 اوکتوبرده, پاکستان نینگ بیرینچی جمهوررئیسی اسکندر میرزا نینگ اقتداری 20 کون آلدین قوراللی کوچلری قوماندانی ایتیب تعین ایتیلگن سترجنرال ایوب خان باشچیلیگیده گی بیر کودتا نتیجه سیده اداققه ییتدی. 

1978- ییل 27 اوکتوبرده, نوبل تینچلیک ساورینی مصر جمهوررئیسی انور سادات و اسرائیل باش وزیری مناهم بگین گه بیریلدی.

1982- ییل 27 اوکتوبرده, چین خلق جمهوریتی اوشبو اولکه ده نفوس نینگ 1 میلیارد دن آشگن لیگی نی بیلدیردی. 

1991- ییل 27 اوکتوبرده, تورکمنستان سویت اتفاقی دن اجره لیب مستقل بولگن لیگی نی بیلدیردی.  بولیب اوتگن سیلاو لر نتیجه سیده سفر مراد تورکمنباشی اوشبو اولکه نینگ بیرینچی جمهوررئیسی ایتیب سیلندی. 

1992- ییل 27 اوکتوبرده, تورک اردوسی نینگ هانتور تاغیده ترورو تشکیلاتی پی کا کا گه قرشی اویوشتیرگن عملیاتی نتیجه سیده 100 نفر ترورچی یوق قیلیندی. 

1999- ییل 27 اوکتوبرده, ارمنستان باش وزیری وازگن سرکیسیان و 8 یوقاری مرتبه لی مسئول کیشی پارلمان ده اویوشتیریلگن قوراللی هجوم عاقبتیده جان بیردی. 

2005- ییل 27 اوکتوبرده, پاریس ده شمالی افریقا دن کیلگن ایککی مسلمان نینگ اولدیریلیشی آرتیدن خشونت فعالیت لری باشله دی.  شونده ی اوشبو خشونت فعالیت لری نتیجه سیده فرانسه ده تقریباً 300 بنا بیلن 10 مینگ موتر یاندیریلدی.  چیککه حدود لرده گی توقنه شوو لر نتیجه سیده ایسه اوچ کونده 130 کیشی یره لندی. 

2017- ییل 27 اوکتوبرده, سعودی عربستان هانگ کانگ ده ایشلب چیقاریلگن صوفیه اسمی گه روبات گه تابعیت بیردی.  شونده ی قیلیب صوفیه تابعیت حقی گه ایگه بولگن بیرینچی روبات عنوانی گه ایگه بولدی.