بوگون تاریخده قنده ی ینگی لیک لر یوز بیردی؟ 26 اوکتوبر

1461- ییل 26 اوکتوبرده, ترابزون روم امپراطورلیگی فاتح سلطان محمد قومانده سیده گی عثمانی اردوسی گه تسلیم بولدی. 

1923- ییل 26 اوکتوبرده, تورک ملی فوتبال تیمی بیرینچی مرته رسمی مسابقه سی نی اوتکزدی. اوشبو مسابقه تورک و رومانیا تیم لری اورته سیده بولیب اوتدی.  خوددی شوو مسابقه نتیجه سیده ایککی تیم 2 گه 2 تینگ بولدی. 

1991- ییل 26 اوکتوبرده, تورکیه قوراللی کوچ لری عراققه کیریب ترور تشکیلاتی پی کا کا گه قرشی کینگ کولملی عملیات باشلتدی.  20 مینگ عسکر نینگ اشتراک ایتگن اوشبو عملیات نتیجه سیده یوزلب ترورچی یوق قیلیندی. 

1994- ییل 26 اوکتوبرده, اسرائیل بیلن اُردُن اورته سیده گی 46 ییللیک اوروش نینگ اداققه ییتیشتیریلیشی اوچون ایککی اولکه اورته سیده تینچلیک کیلیشووی امضالندی.  اوشبو کیلیشوو نینگ امضاله نیشی بوییچه ایککی اولکه نینگ چیگره سیده بولیب اوتگن مراسم گه 5 مینگ کیشی اشتراک ایتدی. 

2002- ییل 26 اوکتوبرده, مسکو تیاتریده گروگه آلینگن کیشی لر روسیه ضربتی کوچ لری تامانیدن اویوشتیریلگن بیر عملیات نتیجه سیده آزاد ایتیلدی.  ملیشه لر تامانیدن اوچ کون دن بیری گروگه آلینگن خوددی شوو کیشی لرنینگ قوییب یوباریلیشی اوچون اویوشتیریلگن اوشبو عملیات نتیجه سیده 50 نفر چیچن ملیشه جان بیردی.  عینی دمده اوشبو عملیات نتیجه سیده گروگه آلینگن 800 کیشی دن هم 118 نفری هلاک بولدی.  اوشبو عملیات جریانیده زهرلی گاز دن فایده له نیلگن لیگی و گروگه آلینگن کیشی لرنینگ هم اولگن لیگی سببلی غربی اولکه لر مسکو رهبریتی نی تنقید ایتدی.