تاریخده بوگون 22 - اکتوبر قیسی حادثه لر یوز بیرگن؟
تاریخده بوگون
22- اکتوبر
1962- ییل 22 - اکتوبر کونی، «کوبا راکت انقراضی» باشلندی. امریکا قوشمه ایالتلری دولت باشلیغی جان کندی، کوبا‌ده سوویت راکت‌لری بارلیگینی رسماً اعلان قیلدی و فیدیل کسترو باشقروویده‌گی کوبا‌گه نسبتاً چیکلاو جاري ایتدی. امریکا قوشمه ایالتلری دینگیز فلوتی (اردسی) کوبا‌نی محاصره قیلدی. دنیا ایلک بار هستوي اوروش خطریگه دوچ کیلدی.
1964- ییل 22 - اکتوبر کونی، تنیقلی فرانسوز یازووچی و فیلسوف جئن پاول سرتری Jean-Paul Sartre ادبیات بوییچه نوبیل مکافاتی ساورینداری بولدی. بیراق، او مکافاتنی قبول قیلمه‌دی.
1967- ییلی 22- اکتوبر کونی، اپوللو 7 فضا واسطه سی دنیا اطرافی گه 163 مرته ایلنگندن کیین اتلانتیک اوقیانوسی باریب قوندی.
1975 ییل 22 اکتوبر کونی، تورکيه نینگ وین ده‌گی بویوک ایلچیسی دانش تونا‌لیگیل 3 کیشی ارمنی تروریست تامانیدن قتل ایتیلدی.
1983- ییل 22 - اکتوبر کونی، آلمان و فرا‌نسه‌ده عینِ وقتده اوتکزیلگن هستوي قوراللرگه قرشی نمایشلرده 1 میلیون 500 مینگ کیشی اشتراک ایتدی. نمایشچیلر هستوي قوراللرنی یوق قیلیش و اتوم انرژی استیشن‌لری نینگ یاپیلیشینی طلب قیلدی.
