تاریخده بوگون قنده ی ینگی لیک لر یوز بیردی؟

1827- ییل 20 اوکتوبرده,  یونان نینگ عثمانی امپراطورلیگی دن اجره لیب مستقل بولیشی نی طلب قیلگن انگلستان, فرانسه و روسیه یونان نینگ ناوارین بندری ده گی عثمانی دینگیز کوچ لری گه حمله قیلدی. 

1921- ییل 20 اوکتوبرده, ساکاریا غلبه سی آرتیدن تورکیه دن چیقیش گه قرار قیلگن فرانسه بیلن تورکیه بویوک ملت مجلسی اورته سیده "انقره معاهده سی" امضالندی.  اوشبو معاهده بیلن هَتای دن تشقری تورکیه نینگ حاضرگی کونده گی جنوبی چیگره سی انیقلَندی. 

1954- ییل 20 اوکتوبرده, بریتانیا ده 51 مینگ بندر ایشچی سی اعتصاب قیلدی و شونده ی قیلیب اولکه نینگ دینگیز تجارتی توختَب قالدی. 

1980- ییل 20 اوکتوبرده,  یونان, تورکیه نینگ وتوسی نی بیکار قیلیشی آرتیدن ینگی دن ناتو نینگ حربی قسمی گه اعضا ایتیب قبول ایتیلدی.

1992- ییل 20 اوکتوبرده, تورکیه نینگ بینگول ولایتی نینگ سولخان تومنی نینگ چیککه حدود لریده بیر عراده بس نی توختَتگن ترور تشکیلاتی پی کا کا گه منسوب ترورچی لر 19 نفر یولاوچی نی شهید ایتدی. 

2008 - ییل 20 اوکتوبرده, 17- 25 دسامبر حادثه لری و 15 جولای کودتا تشبثی بیلن فتح الله چی ترور تشکیلاتی نینگ تورکیه جمهوریتی گه قره تیلگن شوم پلانی دن عبارت ایکن لیگی انیقلنگن اَرگاناکون عملیاتی نینگ بیرینچی محکمه سی اوشلنگن 46 کیشی بیلن 86 نفر متهم نینگ محاکمه قیلینیشی بیلن استانبول ده باشله دی. 

2011- ییل 20 اوکتوبرده, 1969- ییلدن باشلب 2011- ییل گه قدر لیبیا نی باشقریب کیلگن معمرالقذافی, سرت شهریده عصیانچی لر تامانیدن اولدیریلدی.