بوگون تاریخده قنده ی ینگی لیک لر یوز بیردی؟ 30 سپتامبر

1207- ییل 30 سپتامبرده, مولانا جلال الدین محمد بلخی رومی بلخ ده دنیا گه کیلدی.  مولانا مثنوی ناملی اثری نی قونیه ده یازدی.  فارس تیلیده یازیلگن مثنوی 25 مینگ 618 بیت دن تشکیل تاپماقده. 

1520- ییل 30 سپتامبرده, عثمانی دولتی نینگ 10- پادشاهی بولگن قانونی سلطان سلیمان تخت گه اوتیردی. 

1949- ییل 30 سپتامبرده, چین خلق جمهوریتی قوریلدی.  مائو زیدونگ دولت رهبری ایتیب سَیلَندی.

2009- ییل 30 سپتامبرده, اندونیزیا نینگ سوماترا ارالیده یوز بیرگن ییرقیمیرلش حادثه سی عاقبتیده بیر مینگ 115 کیشی جان بیردی. 

2017- ییل 30 سپتامبرده, سومالیا پایتختی موگادیشوده قوریلگن تورکیه نینگ چیت ایلده گی اینگ کتته حربی مرکزی آچیلدی.