بوگون تاریخده قنده ی ینگی لیک لر یوز بیردی؟ 7 سپتامبر

70- ییل 7 سپتامبرده, امپراطور تیتوس قومانده سیده گی روم اردوسی بیت المقدس نی اشغال قیلیب تاراج قیلدی. 

1533- ییل 7 سپتامبرده, اقتدار گه کیلیشی آرتیدن اسپانیا نی مغلوب قیلیب انگلستان نی دنیا نینگ اینگ کوچلی اولکه سی گه ایلنتیرگن ملکه بیرینچی الیزابیت, گرینویچ ده دنیا گه کیلدی. 

1776- ییل 7 سپتامبرده, دنیا ده بیرینچی مرته سوو آستی کیمه بیلن حمله قیلیندی.  مستقل لیک کوره شی دایره سیده نیویورک ده ایشلب چیقاریلگن "تاش بقه" اسمی گه ایگه و ایچی گه بمب جایلشتیریلگن سوو آستی کیمه انگلستان کیمه سی نینگ تگی گه جایلشتیریلدی.  بیراق اوشبو حمله موفقیتسیزلیککه اوچره دی. 

1812- ییل 7 سپتامبرده, فرانسه امپراطوری 1 ناپلئون روس اردوسی نی مسکو نینگ غربیده گی بورودینو منطقه سیده مغلوبیت گه اوچره تدی. 

1927- ییل 7 سپتامبرده, امریکالیک فیلو تایلر فارنسوارد بوتونلی برقی سیستم بیلن ایشلَیدیگن بیرینچی تلویزیون نی اویلب چیقاردی. 

1940- ییل 7 سپتامبرده, ایککینچی دنیا اوروشی جریانیده آلمان طیاره لری لندن نی بمباران قیلدی. اوشبو بمباران 57 کون اوزلوکسیز دوام ایتدی.