تاریخده بوگون 4- سپتامبر قیسی حادثه لر یوز بیرگن؟

4- سپتامبر

476- ییلی 4- سپتامبر کونی، غربی روم امپراتورلیگی جرمنلر تامانیدن ییقیب تشلندی.

1063- ییلی 4- سپتامبر کونی، بویوک سلجوقی امپراتورلیگی نینگ موسیسی توغرل بی (بیگ) ایران نینگ رای شهریده 73 یاشیده وفات ایتدی.

1682- ییلی 4- سپتامبر کونی، انگلیس یولدوز شناس (استرونوم) ایدموند هلی Edmond Halley ، کیینچه لیک اوزی نینگ آتی بیریلگن دوملی یولدوزنینگ اوتیش مدتینی 76 ییل اوله راق حسابله گنینی بیان ایتدی.

1919- ییلی 4- سپتامبر کونی، مصطفی کمال پاشانینگ آچیش نطقی بیلن سیواس کنگره سی اوز فعالیتی گه باشله دی. بو کنگره اناطولی نینگ اشغالی گه قرشی اناطولی و روم ایلی مدافعه حقوق جمعیتی نینگ قوریلیشی و 15 کیشی لیک نماینده هیئتی نینگ ایجاد ایتیلیشینی قرار قیلیب آلدی. نماینده هیئتی نینگ باشچیسی اوله راق مصطفی کمال پاشا ایتیب سیلندی.

1957- ییلی 4- سپتامبر کونی، امریکا قوشمه ایالتلری نینگ ارکانساس والیسی قاره تنلی اوقووچیلرنینگ مرکزی لیسه گه ثبت بولیشلریگه توسیق بولیش اوچون ملی محافظلرنی وظیفه گه دعوت ایتیب چقیردی. بو حادثه امریکا قوشمه ایالتلری نینگ عرقچیلیک که قرشی کوره ش تاریخیده " Little Rock " بحرانی اوله راق ثبت بولدی.

1963 – ییلی 4- سپتامبر کونی، سویس هوا یولی گه باغلیغ یولاوچی اوچاغی سویس نینگ دورینش Dürrenasch قصبه سی نینگ یقینیده قولب توشدی عاقبتده 80 کیشی حیاتینی یوقاتدی.

1971- ییلی 4- سپتامبر کونی، الاسکا هوا یولی گه باغلیغ یولاوچی اوچاغی الاسکا جونیئانینگ یقینیده قولب توشدی عاقبتده 111 کیشی اولدی.

1988- ییلی 4- سپتامبر کونی، بنگلدیش ده یوز بیرگن سیل حادثه سیده 300 کیشی اولدی، 20 میلیون انسان اوی – جایسیز قالدی.

1997- ییلی 4- سپتامبر کونی، بیت المقدس بازاریده حماس تامانیدن اویوشتیریلگن اوچ هجومده 7 کیشی اولدی 192 کیشی یره لندی.

2009 – ییلی 4- سپتامبر کونی، افغانستان نینگ شمالیده جایلشگن قندوز ولایتیده ناتو اوچاقلری تامانیدن طالبان گروهی تامانیدن قاچیریلگن لیگی ادعا ایتیلگن نفت تانکرلریگه قرشی اویوشتیریلگن هوا عملیاتیده 90 کیشی حیاتینی یوقاتدی.