تاریخده بوگون قیسی حادثه لر یوز بیرگن؟ 13-اگست

13- اگست

1889- ییلی 13 اگست کونی، آلمانلیک فردیناند فون زیپلین Ferdinand Von Zeppelin اوزی ایجاد ایتگن و آتینی هم زیپلین دیب قویگن کنتروللی بالون نینگ پایتنت (رخصت نامه) سینی قولگه کیریتدی.

1905 – ییلی 13 اگست کونی، ناروی بیر ریفراندوم نتیجه سیده سویسدن اجره لیب کیتدی. بو مملکت، دنمارکلیک چارلیس ناروی قیرالی ایتیب اعلان قیلینیشی بیلن تماماً مستقل بیر قیراللیک وضعیتی گه کیلدی.

1954 – ییلی 13 – اگست کونی، پاکستان ملی مدحیه سی، پاکستان رادیوسی آرقه لی ایلک مرته نشر قیلیندی. پاکستان 1947 – ییلی انگلستان مستعمره سیده گی هندوستاندن قانلی بیر اورش آرقه لی مستقل لیگینی قولگه کیریتدی. 1971 – ییلی ینه بولینیب کیتدی و بوگونگی بنگلدیش اولکه سی تشکیل تاپدی.

1956 – ییلی 13- اگست کونی، علم – تخنیک ادبیاتی نینگ ایککی سیماسیدن بیرته سی و "زمان ماسینی" بیلن "دنیالر اوروشی" کبی اثرلرنینگ یازووچیسی انگلیس ژورنالیست و تاریخچی هربرت جورج ویلس Herbert George Wells  اولدی.

1961 – ییلی 13 – اگست کونی، ساووق اوروش نینگ رمزی دیب اتلگن و شهرنی ایککی ته قیلیب تشله گن برلین دیواری نینگ ساختمانی گه باشلندی. 46 کیلومتر اوزونلیگیده گی بو دیوار شهرنینگ شرق و غرب تامانینی بیر – بیریدن 30 ییلگچه ایریب تشله دی.

1966- ییلی 13 – اگست کونی، مائو زیدونگ Mao Zedong، چینده مدنیت انقلابینی برپا ایتدی. 10 ییل دوام ایتگن بو حرکت قماققه تشلش و اولدیریشلر بیلن تاریخ گه ثبت بولیب قالدی.

1987 – ییلی 13 – اگست کونی، امریکا قوشمه ایالتلری دولت باشلیغی رونالد ریگن، ایران – کونترا رسوالیگیده قولی بولگن لیگینی قبول قیلدی. بو رسوالیک امریکا قوشمه ایالتلری نینگ ناقانونی روشده ایران گه قورال ساتیشی و او پولنی نیکاراگوئانینگ سوسیالیست حکومتینی ییقیش اوچون فعالیت قیلیب تورگن انتی کمونیست کونترا گروپلریگه بیرگن لیگی نینگ افشا بولیشی بیلن یوزه گه چیقدی.