بوگون تاریخده قنده ی ینگی لیک لر یوز بیردی؟ 10 آگست

1519- ییل 10 آگست ده, پرتگال لیک کاشف فردیناند ماگلان بیش کیمه و 270 نفر پرسونل بیلن دنیا نی ایله نیب کیلیش اوچون اسپانیا نینگ سویلا شهریدن اوز سفری نی باشلتدی. 

1792 – ییل 10 آگست ده, فرانسه ده قراللیک دوری اداققه ییتدی.  شونده ی قیلیب 16- لویس اوشلندی. 

1913- ییل 10 آگست ده, 2 – بالکان اوروشی اداققه ییتدی.  شونده ی قیلیب بلغاریا, رومانیا, صربستان, مونتی نیگرو و یونان اورته سیده بخارست معاهده سی امضالندی. 

1914- ییل 10 آگست ده, آقدینگیز ده گی انگلیس دینگیز کوچ لری دن قاچگن گوبین و بریسلاو آتلیق آلمان نینگ ایککی زرهی کیمه سی باش پنه سوره ب عثمانی امپراتورلیگی گه کیلدی.

1920- ییل 10 آگست ده, عثمانی امپراتورلیگی نینگ ترقه لیب کیتیشی بیلن علاقه لی سَور کیلیشووی امضالندی.

1945- ییل 10 آگست ده, جاپان نینگ تسلیم بولگن لیگی نی بیلدیریشی آرتیدن, 2- دنیا اوروشی پاسیفیک و اوزاق شرق ده اداققه ییتدی. 

1994- ییل 10 آگست ده, تورک ستلایتی دن عبارت "تورکسات 1 بی" موفقیتلی بیر شکلده فضا گه یوباریلدی.  شونده ی قیلیب تورکیه فضاده ستلایتی بولگن 18 اولکه لستیده اورین آلیش گه موفق بولدی. 

2014- ییل 10 آگست ده, تورکیه تاریخیده بیرینچی مرته جمهوررئیس بیواسطه خلق تامانیدن سَیلَندی.  شونده ی قیلیب بونده ی بیر سیلاو بیلن رجب طیب اردوغان تورکیه جمهوریتی نینگ اون ایککینچی جمهوررئیسی ایتیب سَیله نیش گه موفق بولدی.