تاریخده بوگون 30 جنوری
تاریخده بوگون قیسی حادثه لر یوز بیرگن؟
30 جنوری
30 جنوری 1923 ییلی یونان بیلن المه شوو کیلیشووی عملگه آشیریلدی. بو کیلیشوو تورکیه ده گی روملرنینگ یونانگه و یونانده گی تورکلرنینگ تورکیه گه کوچ قیلیش حادثه سینی اوز ایچی گه آلماقده ایدی. لوزان کیلیشوویگه قوشیلگن بیتیم گه بناً 1923 – ییلی دسامبر آییده باشلب 1927 – ییلی گچه دوام ایتگن بو حادثه بیلن 400 مینگ تورک و 1 میلیوندن آرتیق روم جای اوزگرتیردی.
30 جنوری 1933 ... ناسیونل سوسیالیست آلمان ایشچی حزبی نینگ قوریچیسی (موسس) و باشلیغی ادولف هیتلر 30 جنوری 1933ده آلمان دولت باشلیغی بولدی. هیتلر ناسیونل سوسیالیزم نینگ موسسی بولیب آلماننی 12 ییل بوییچه شو نظام بیلن باشقردی. 1 دنیا حربی نینگ آرتیدن باشلنگن اقتصادی بحران باعث آچلیک و سفالت گه دوچ قالگن غریب و اورته صنف آلمانلرنینگ طلبلریگه قره ته تبلیغلر آرقه لی گروپلرنی اوزیگه جلب قیلیب آلدی. آلمان نینگ ایچیده گی تیزیمنی قیته دن قوردی و کوچلی بیر مملکت یراتگندن کیین هجومچی بیر سیاست تعقیب قیلیب پولندگه هجوم اویوشتیردی. شونده ی قیلیب 2 – دنیا حربی نینگ باشله ییشی و میلیونلب انسان نینگ اولیشی گه سبب بولدی.
30 جنوری 1938 ... اوزبیکستان سابق جمهور باشلیغی اسلام کریموف توغدی. کریموف سوسیالیست شوری جمعیتی گه باغلیغ بیر یتاقخانه ده حیات کتته ریب کیینچه لیک تاشکینتده ماشین انجنیرلیگی و اقتصادنی اوقیب چیقدی. سویت روسیه ده وزیرلیک و باش وزیر اورینباسرلیگی قیلدی. سویت روسیه نینگ برهم ییب کیتیشی جریانیده مذکور جمعیتدن اجره لماقچی بولگن جمهوریتلرنینگ مستقل لیگی اوچون کوره ش آلیب باردی. 31 اگست 1991 ده اوز مملکتی اوزبیکستان نینگ مستقل لیگینی اعلان قیلدی. 1990 – ییلیدن 2016 – ییلی گچه دولت باشلیغی اوله راق دوام ایتدی.
30 جنوری 1948 ... هندوستان و هندوستان مستقل لیک حرکتی نینگ سیاسی و معنوی رهبری مهاتمه گاندی، 30 جنوری 1948 – ییلی ینگی دهلیده جایلشگن بیرلا بهاون (بیلا اویی) نینگ چمنیده یوروب باراتگن پیتده ترور قیلیندی.
حلی هم دنیاگه اوز تاثیرینی قالدیرگن فکرلری "گاندیزم" اوله راق اتلگن. یمان لیک که قرشی اکتیف بیراق شدت و زوروانلیک بولمه گن مقاومت بیلن تیگیشلی بولگن " Satyagraha " فلسفه سی نینگ باشچیسی اوله راق قبول قیلیندی. گاندی تنه شو فلسفه بیلن هندوستاننی مستقل لیک که آلیب باردی و دنیا اوستیده وطنداشلیک حقلری و ایرکین لیک مدافعه چیلریگه الهام منبعی بولدی.
