تاریخده بوگون یوز بیرگن واقعه لر

20 جنوری

1. دنیا حربی عاقبتیده پارچه لنیب کیتگن عثمانلی امپراتورلیگی نینگ آرتیدن غازی مصطفی کمال نینگ باشچیلیگیده مستقل لیک اوچون کوره شگن تورکلر اولاً انقره ده بیر مجلس قوردیلر. تورکیه بویوک ملت مجلسی 23 اپریل 1920 – ییلی قوریلدی. 20 جنوری 1921 – ییلی بیرینچی اساسی قانونی بولمیش "تشکیلات اساسیه نی قبول قیلیب چیقردی. بو اساسی قانون حاکمیت نینگ استانبولده گی عثمانلی قصریده ایمس،"بی قیدو شرط ملت نینگ" ایکن لیگینی اعلان قیلدی. عین دمده جمهوریت اعلان ایتیلگونچه گه قدر دولتنی اداره ایتیش اساسلرینی تعین قیلماقده ایدی.

20 جنوری 1990 – ییلی ... آذربایجان نینگ پایتختی باکوده یانوار قتل عامی گه قول اوریلدی. ارمنی لرنینگ توپراق طلبلریگه ناراضی چیلیک کورسه تیش اوچون 13 جنوریده باشلنگن آذربایجانلیکلر بیلن ارمنی لر اورته سیده باکوده جریان قیلگن توقنه شوولرنی نهائی قیلیش بهانه سی بیلن 19 جنورینی 20 جنوریگه باغله گن کیچه سی سویت اردوسی باکوگه کیریب باریب یوزلب آذربایجانلیکنی قتل قیلدی. باکوگه تانکلر بیلن کیریب 400 نفرنی قولگه آلدیلر. اصل هدفلری آذربایجان تورکلری نینگ مستقل طلب لیک کوره شلرینی برطرف ایتیش و آذربایجان تورکلری نینگ سیسینی اوچیریش بولگن بوقتل عام گه برچه دنیا مملکتلری ناراضی چیلیک بیلدیردی. کیینچه لیک آذربایجانده 20 جنوری "شهیدلر کونی" ایتیب اعلان قیلیندی.

فلسطین، اسرائیل توپراقلری نینگ برچه سی بیلن غزه نواری و غربی کرانه نی اوز ایچی گه آلگن اورته شرقده جایلشگن جغرافیه دیر... یهودیلر، عیسویلر و مسلمانلر مقدس دیب اتلگن بو توپراقلر 20 – عصرنینگ باشیدن بیری عربلر بیلن یعودیلر اورته سیده قانلی توقنه شوولرگه سبب بولیب کیلماقده. فلسطین، یاسر عرفات تامانیدن قوریلگن فلسطین قورتیلیش تشکیلاتی چوکاتی آستیده اوزاق مدت مستقل لیک کوره شی بیریب تورگن دیر. فلسطینلیکلر، 15 نوامبر 1988 – ییلی الجزیارده مستقل لیکلرینی اعلان ایتیب قویدیلر. فلسین دولتی تورکیه داخل یوزدن آرتیق مملکت تامانیدن تنیلدی. 21 جنوری 1996 – ییلی ایسه فلسطینده بیرینچی مرته دولت باشلیغی سیلاوی اوتکزیلدی و یاسر عرفات فلسطین نینگ بیرینچی دولت بالیشی ایتیب سیلندی.