تاریخده بوگون قیسی حادثه لر یوز بیرگن؟

18 جنوری

18 جنوری 1886 – ییلی "شگوفه زار" یعنی گل باغچه سی... عثمانی معارف وزیری منیف پادشاه نینگ تعلیم کورگن قیزی عارفه خانم تامانیدن چیقریلگن بیرینچی مسلمان عیال مجله سی... بو ییللرده خایتنلرگه بیریلگن کلاسیک وظیفه لردن باشقه خاتین – قیزلرنینگ اوقیشی، تعلیم و تربیه لنیشی و جمعیت - اجتماع نینگ ایچیده اورین آلیشینی خواهله گن عثمانلی دوریده آیدن خاتین – قیزلر تامانیدن چیقریلگن برچه یازووچیلری خاتین – قیز بولمیش مجله دیر. انه شو مجله بیلن 18 جنوری 1886 – ییلی عیاللرنینگ عقلی نینگ کم لیگی، ساچی اوزون عقلی کم دیگن گپ گه قرشی کوره ش باشله تیلدی. "شگوفه زار" مجله سی نشرات مدتی بوییچه خاتین – قیزلر حقی و خاتین – ایرکک توازنیدن مدافعه قیلیب باردی.

18 جنوری 1919 – ییلی 1 جهان حربیده مغلوبیت گه اوچره گن دولتلر بیلن کیلیشووگه قول قوییش اوچون ائتلاف دولتلر نماینده لریدن عبارت پاریس صلح کنفرانسی ایجاد ایتیلدی. اروپانینگ نقشه سی قیته دن ترتیلدی. عثمانلی توپراقلری بولمیش اورفا، انتیب و مره ش ولایتلری فرانسه گه بیریلدی. عین دمده غربی اناطولی نینگ یونانلر تامانیدن اشغال قیلیب آلینیشی گه قرار بیریلگن خوددی شو جلسه گه امریکا قوشمه ایالتلری، فرانسه، انگلستان، ایتالیا و هنگری قتنشگن ایدی.

تورکیه بویوک ملت مجلسی نماینده لری بیلن بریتانیا امپراتورلیگی، فرانسه جمهوریتی، ایتالیا قراللیگی، جاپان امپراتورلیگی، یونان قراللیگی، رومانیا قراللیگی و صربستان، کرواسیا و سلوان قراللیگی نماینده لری اورته سیده 1923 – ییلی امضالنگن لوزان کیلیشووی؛ 18 جنوری 1927 – ییلی، امریکا قوشمه ایالتلری سناتوسی تامانیدن رد ایتیلدی. عثمانی امپراتورلیگی توپراقلری نینگ اشغال ایتیلیشی نینگ آرتیدن تورکلر تامانیدن باشله تیلگن قورتیلیش حربیدن کیین امضالنگن لوزان کیلیشووی، بو رد قراریگه قره مه ی عملی قیلیندی و تورکیه جمهوریتی نینگ قباله سی اوله راق قبول قیلیندی.