ایککی آی تولگن اسرائیل هجوملری و قالدیرگن تاثیرلری

ایککی آی تولگن اسرائیل هجوملری و قالدیرگن تاثیرلری

حماس گه باغلیق القسام کوچلری و ایریم کتته – کیچیک مقاومت گروهلری تامانیدن 7 اکتوبرده اسرائیل گه قره ته اویوشتیریلگن عملیاتدن قریب 2 آی تولدی. اسرائیل آلدی هوا آرقه لی بمباردمان گه باشله گن غزه نی کیین شمال و جنوب ایتیب اییریب شمال تاماننی ییردن اشغال ایتیب آلدی. بو جایده اسرائیل گه قرشی مقاومت دوام ایترکن اسرائیللیک ییتکچیلرنینگ بیاناتلریگه کوره جنوب گه هم بیر ییر هجومی آلیب باریله دی. اسرائیل نینگ نهائی مقصدی غزه نی ویرانه قیلیب انسانسیزلشتیریش دیر.

تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.

حماس گه باغلیق القسام کوچلری و ایریم کتته – کیچیک مقاومت گروهلری تامانیدن 7 اکتوبرده اسرائیل گه قره ته اویوشتیریلگن عملیاتدن قریب 2 آی تولدی. اقصی طوفانی ایتیب اتلگن بو حمله عسکری دوکترینلر اوز ایچی گه آلماقده ایکن درونلر کبی ینگی تخنیکی امکانیتلردن ایش آلینیشی اسرائیل اردوسیده بویوک بیر شوک یراتدی. غزه نینگ اطرافیده جایلشگن حربی مرکزلر فلسطینلیکلر تامانیدن قولگه کیریتیلر ایکن غزه دن کتتراق اشغال/ تورر جایلرهم کنترول آستیگه آلینگندی. 

اسرائیل بیر مدت شاشیلیب قالگندن کیین بو هجومگه کوچلی روشده جواب بیردی. توغریدن توغری تینچ اهالینی آماج قرار بیرگن هجوملری بیلن بیر قیرغین گه قول اوردی. غزه نی کیین شمال و جنوب ایتیب اییریب شمال تاماننی ییردن اشغال ایتیب آلدی. نهایتده حماس نی هدف آلگن لیگینی ادعا ایتسه ده عسکری حرکت شکلی تینچ اهای و اوست بنانی آماج قرار بیریشی محاصره نی آغیرلشتیریب حتی سوو/ آذیق – اوقات تاپیش نی قیینلشتیریشی، اسرائیل غزه نی یشش ممکن بولمه گن وضعیت گه کیلتیریشی بو جایده بیر عمومی قیرغین هدفلرینی کورسته دی. شمال ده گی منطقه نینگ آرتیدن جنوب گه قره ب بیر اشغال تشبثی بونی انیقلشتیره دی. غزه ساحه سیده اسرائیل نینگ هجوملری دوام ایترکن توقنه شوونینگ جیوپولیتیک و منطقوی تاثیرلری هم دوام ایتماقده.

توقنه شوولرنینگ ایلک باسقیچیده حزب الله نینگ ینگی بیر جبهه آچیشی و اوروش نینگ منطقوی بیر وضعیت گه ایلنیب کیتیشی نامعلوم ایدی. ایران بویروغیده حرکت قیلگن حزب الله و ایریم گروهلرنینگ شو وقت بونقه بیر حرکت نینگ ایچیده ایمس ایکن لیگی کوریله دی. بیراق کنترولی و چیگره لری تعیینلنگن دایره ده اسرائیل بیلن امریکا قوشمه ایالتلریگه قره ته تورلی عسکری بیرلیک اورته چیقرگن وضعیتده لر. حزب الله اسرائیل – لبنان چیگره خطینی کم – کم اسرائیل نی آماج قرار بیررکن عراق و سوریه منطقه سیده شیعی جنگری گروپلری امریکا قوشمه ایالتلری حربی مرکزلرینی هدف آلیش گه دوام ایتماقده. بیراق اصل کوتیلمه گن حمله گه یمن ده گی انصارالله حرکتی تامانیدن قول اوریلدی. حوثیلر اسرائیل گه توغریدن توغری اورش گه باشله گن لیکلرینی بیلدیردیلر و قیزیل دینگیزده اسرائیل گه باغلیق کیمه لرگه هجوملر اویوشتیریش گه باشله دیلر. منطقه ده گی سیرو سفر خوفسیزلیگی جهتیدن جدی بیر تهدید یراتر ایکن امریکا قوشمه ایالتلری دینگیز کوچلریگه باغلیق اوروش کیمه لری ایسه بو وضعیت گه مداخله قیلیش گه اورونماقده.

ایران نینگ وکیل عنصرلریدن ایش آلیب آدیم آدیم قول کوتریب اوزینی کورستگن لیگینی ایتیش ممکن. بیراق آلدین آلیب بارگن یانداشوونینگ عکسینچه بوتونله ی بیر توقنه شوونینگ ایچی گه اورین آلمسلیکلری کوریله دی.

اسرائیل نینگ غزه نینگ جنوب تامانینی اشغال ایتیشی و تینچ اهالینی سینا چولی گه قره ته بدرغه قیلیشی بیلن مصرنینگ آره گه کیریشی و عرب بلوکینی اسرائیل گه قرشی حرکت گه اوتیش گه مجبور قیلیشی ممکن بوله دی. بونقه بولگنده ایسه عسکری بیرگه لیک قاله ویرسه سیاسی و اقتصادی کبی تورلی چیتلاولر کیریتیشلری ممکن بوله دی.

تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.