غزه اوروشیده اوتیلگنلر

غزه اوروشیده اوتیلگنلر

اسرائیل غزه اوروشیده عسکری یوتوق قولگه کیریتگن حالده اوروشده اوتیلگن ینه اوزی دیر. اسرائیل 7 اکتوبردن کیین غزه گه قره ته آلیب بارگن آغیر اوروش کمپاینی طفیلی قوریلگن تاریخدن بیری ایلک مرته یوزه گه چیققن فرصتدن فایدلنمه گن ویا فایده لنیش نی خواهله مه گن دیر. بوگونگی کونده 1948 ییلیدن کیینگی اولچکده بیر خوفسیزلیک بحرانی و چقور بیر اورین نی قولدن بیریش خواطریده دیر.

خوفسیزلیک بوییچه تیکشیرووچی و یازووچی پروفیسور دوکتور مراد یشیل تاش نینگ موضوع بوییچه تحلیل یازووینی تقدیم ایته میز.

7 اکتوبردن کیین اسرائیل کوپلب جبهه ده اوتیلگن بیر اولکه دیر و کیلگوسی ییللرده بونقه بولیب قاله دی. 7 اکتوبرنینگ دستلبکی نتیجه لریدن بیرته سی خوفسیزلیک بیلن تیگیشلی دیر. عسکری جهتدن قره گنده اسرائیل نینگ خوفسیزلیک دوکترینی نینگ تورت ته ستونی بار. بولردن اینگ مهمی عسکری تهدیددیر. تهدید بیر اولکه نینگ مدافعه دن آلدینگی اینگ مهم قورالی دیر. 7 اکتوبر هجوملری و اسرائیل اردوسی نینگ اوروش نی دایمی قیلیشده گی ضعیفلیگی تهدیدکارلیگی نینگ یوقه لیشی گه سبب بولگن دیر. ایریم بیر عنصر ایسه آلدیندن آگاهلنتیروودیر. آلدیندن آگاهلنتیروو بیر اولکه نینگ برچه استخبارات ظرفیتی طفیلی دشمن نینگ حرکت شکلینی آلدیندن بیلیش ظرفیتی گه تیگیشلی دیر. 7 اکتوبر 1973 ییلیده بولگندیک اسرائیل نینگ آلدیندن آگاهلنتیروو ظرفیتی نینگ کمچیلیگی بارلیگینی کورسته دی. اسرائیل خوفسیزلیک دوکترینی نینگ ایریم بیر عنصری هم مدافعه دیر. مدافعه تهدید ایش گه یره مه گن لیگی و هجومچیلیک یوز بیرگن بیر وضعیتده اردونینگ بیرینچی کوچ اوله راق مدافعه گه اوتیشی فایده لی بولگن ظرفیتلرنینگ توپلمیدن عبارت بوله دی. اسرائیل اردوسی هم 7 اکتوبرده مدافعه وظیفه سینی بجا کیلتیره آلمه گن همده بویوک بیر اردو کبی غزه ده اوروشیش گه قینلگن دیر. خوفسیزلیک دوکترین نینگ تورتینچی ستونینی مطلق ظفر تشکیل ایتماقده. مطلق ظفر دشمن نینگ قیته دن کوچه یشینی و تکرار هجوم اویوشتیریش نی امکانسیز قیلووچی بیر حربی ظفردن عبارت. اسرائیل نینگ غزه ده گی اوروشی نینگ ستراتیژیک هدفی حماس نی یوق قیلیب تشلش دیب اعلان قیلینگن حالده بونی بولمسلیگی کوریلدی. بناً ناتانیاهو باشقرووی «یوق قیلیب تشلش» دن وازکیچیب ضعیفلتیش نی مقصد قیلیب بیر ستراتیژی تعقیب ایتگن دیر.

عادتی اوروش و اوروش فضاسی گه اوزگریش یوز بیریشی اوروش نینگ اکتورلریده گی و طبیعتیده گی اوزگریش سبب بولگن ینگی دینامیکلر کیلجک نینگ اورته شرقیده اسرائیل نینگ تهدیدی نینگ حقیقتن فایده سی بارمی بعضی بیر نا انیقلیکلر بار.

اسرائیل نینگ تلفاتلری فقط حربی تلفات بیلن محدود ایمس. بیر اولکه نینگ منفعتلرینی و قورقیشی گه سبب بولگن اساسی عنصرلر عاقلانه و دنیاوی بولیشدن تشقری دینی بولگنیده او اولکه نینگ خلق ارا مناسبتلرنینگ نورمال بیر اعضاسی کبی حرکت ایتیشی ممکن ایمس دیر. مثال اوچون داعش بونگه بیر مثال دیر. منفعت و قورقوولریگه سبب بولگن فضا دنیاوی ایمس دینی دیر. شونده ی بولیب اوزینی هیچ بیر قاعده گه باغلیق ایکن لیگینی توشونمه یدی. اسرائیل نینگ غزه گه قره ته هیچ بیر اوروش قانونی گه ماس بولمه گن هجوملری اسرائیل نی خلق ارا حقوق نینگ تشقریسیده حرکت قیلگن بیر دولت گه ایلنتیرگن دیر. 7 اکتوبردن کیین عملی قیلینگن «غزه قیرغینی» آچیق بیر شکلده اسرائیل نینگ قیرغین قیلووچی بیر اولکه وضعیتی گه ایلنگن لیگی گه سبب بولگن دیر. بو وضعیت تاریخی بیر بحراندن عبارت بولیب کیلگوسیده هم اسرائیل اوچون خلق ارا مقیاسده تمیزلنمه یدیگن بیر پارچه سی بوله دی. اوروش نینگ ناتانیاهو و اوروش طرفدارلری تامانیدن انچه مرته دینی موضوعلر بیلن افاده ایتیلیشی ایسه چقور بیر پرابلم یراتماقده دیر.  

اسرائیل نینگ اوزیچه سکولار بیر پولیتیک رژیم نینگ بیر سوز صنعتیدن عبارت ایکن لیگینی؛ حتی اسرائیل نی مسیحی بیر اولکه ایکن لیگینی کورستماقده دیر. نتیجه ده غزه اوروشی اسرائیل نینگ خلق ارا حقوق نینگ قاعده لرینی مراعات قیلمه گن و اوروشنی دینیلشتیرگن رادیکال بیر اولکه اوله راق قالیشی گه سبب بولگن دیر. شونده ی بولیب گلوبال اولچکده فلسطین نی قوللب - قوتله گن اسرائیل گه مخالف بولگنلر اسرائیل نی قاره لاوچی نمایشلر اوتکزدیلر. بو گلوبال مقیاسده اسرائیل نینگ یالغیز بولیب قالیشی گه سبب بولماقده دیر.

قاعده لرنی مراعات قیلمه گن و عمللرینی مقدسلیک بیلن یاد ایتگن رادیکال دولت اسرائیل نینگ باشقه بیر ضعفی ایسه اوز همجمعیتینی قولدن بیریشی دیر. 7 اکتوبر اسرائیل نی فقط بیر دولت اوله راق ایمس همجمعیت اوله راق هم خوفسیزلیک قیغولرینی برهم اورگن بولدی شونده ی بولیب تاریخی اوله راق «یهودی قیرغین» آرقه لی عیبلنیشی ایشانچسیزلیک و عمومی بیر قیغونینگ چقورلشیشی گه سبب بولگن دیر. اسرائیل تامانیدن هجوملرگه قرشی بیرگن حربی جواب نینگ گلوبال اسرائیل گه مخالفتلیک نی کوپه یتیرگن لیگی ایسه یهودی همجمعیتی نینگ گلوبال اولچکده بیر قیغو همجمعیتی گه ایلنیشی گه سبب بولگن دیر. بونینگ مسؤلی ایسه اسرائیل حکومتی نینگ اوزی دیر. نتیجه ده اوز همجمعیتی نینگ قیغولرینی برطرف ایتووچی بیر اولکه ایمس قیلگن عمللری بیلن قیغوسینی کوپه یتیرگن بیر اولکه گه ایلنتیرگن دیر.

شونده ی بولیب ایریم بیر مهم موضوع ایسه اسرائیل نینگ دموکراتیکلیکدن تاباره اوزاقلشیب باریشی و افراطیلیک دایره سیده اوگیریلگن بیر اولکه گه ایلنیب قالیشی دیر. سیاست نینگ اساسلرینی ایریملرگه قرشی اوستون بولیش و حیاتگه قالیش اوچون عملی قیلینگن بیر اولکه ده سیاست نینگ و همجمعیت نینگ نورماللشیشی ممکن ایمس دیر. 7 اکتوبردن کیین اسرائیل دوچ کیلگن وضعیت هم شو بوله دی. شونده ی بولیب اسرائیل ده سیاسی حیات تاباره افراطی بوله دی، سیاسی بیاناتلر قتّیقراق بوله دی و دولت اداره لری ملیتچی یهودی کیملیک اطرافیده قوریله دی. بو اسرائیل نی فلسطین موضوعی گه تیگیشلی تاباره افراطیلیک سری آلیب باره دی و ایککی دولتلی ییچیم امکانسیز بوله دی.

عسکری، سیاسی و عمومی یوقه لیشلر قاله ویرسه اسرائیل یوقاتگن اینگ مهم نرسه منطقوی اولچکلی جیوپولیتیک مقامیده یوزبیرماقده دیر. 7 اکتوبردن آلدین منطقوی نورماللشوو اسرائیل نینگ تاریخی یالغیزلیگینی برطرف ایتیش اوچون ستراتیژیک بیر فرصت یوزه گه چیقرگن دیر. بیراق اسرائیل نینگ فلسطین موضوعی گه قولگه کیریتگن یوتوق نی صفر اویین ایتیب کوریشی منطقوی اکتورلر اوچون هم دشمنانه یانداشووی اونی یالغیزلیک سری آلیب بارماقده دیر. عرب – اسرائیل نورماللشووی منطقوی اقتصادی پروژه لر و انرژی شریکلیکلری قاله ویرسه انچه ستراتیژیک فرصت غزه طفیلی قولدن کیتگن وضعیتده. بو فرصتلرنی تکرار یراتیش آسان بولمه یدی. بو جریان اسرائیل نی اینیقسه سوریه و لبنان موضوعیده یا افراطیلشتیره دی ویا کیلیشیش گه مجبور منطقوی دایره نی ایچی گه کیریته دی.

نتیجه ده اسرائیل نینگ غزه هجوملری و کنترولسیز خشونتی؛ سیاستینی، همجمعیتینی و آلدین هم یخشی بولمه گن منطقوی و گلوبال اعتبارینی قولدن بیرگن بیر نتیجه سری آلیب بارگن دیر. اسرائیل اورته شرقده اوتمیش گه قره گنده تاباره یالغیز بولیب قالگن و خوفلیراق بیر اولکه بولیب قالگن دیر.  

خوفسیزلیک بوییچه تیکشیرووچی و یازووچی پروفیسور دوکتور مراد یشیل تاش نینگ موضوع بوییچه تحلیل یازووینی تقدیم ایتدیک.