اسرائیل نینگ هجومچی لیگی اورته شرق جیوپولیتیکی گه اوزگریش کیریته دی

 اسرائیل نینگ هجومچی لیگی اورته شرق جیوپولیتیکی گه اوزگریش کیریته دی

8 مینگدن آرتیق تلفات بولگن غزه ده دوام ایتیب تورگن اسرائیل هجوملری اورته شرق جیوپولیتیکیده اساسی رول اوینش ظرفیت گه ایگه. اسرائیل نینگ ییردن هجوم اویوشتیریشی اسرائیل بیلن حماس نینگ اورته سیده گی توقنه شوونینگ غزه دن تشقری تاشیب کیتیشینی کورستووچی بیر قطار اشاره لر یوزه گه چیقرگن وضعیتده. اوتمیشده بولگن جریان دوام ایتدی. حماس اسرائیل گه هجوم اویوشتیردی، غزه گه اسرائیل هوا هجوملری اویوشتیردی، آتشکیسین بولدی و قیته دن سابقگی وضعیت بولدی. بیراق 7 اکتوبردن کیینگی یوزبیرگنلر بو وضعیتدن فرقلی ایکن لیگینی کورسته دی. اسرائیل کمیده غزه نینگ شمالیده دایمی بیر موجودیت تامین ایتیش اورونیشیده بو وضعیت گه اوزگریش کیلتیرگن بوله دی.   

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه تحلیل یازووینی تقدیم ایته میز.

اسرائیل ده هجوملر یوزه گه چیقرگن خوفسیزلیک بحرانی حماس نینگ کوتیلمه وضعیتی بیلن چقورلشیب بارگن وضعیتده. اسرائیل اردوسی کنترول نی قولگه آلیش اوچون 24 ساعت کیچ گه قالیشی تیارگرلیک کمچیلیکلرینی یوزه گه چیقرگن وضعیتده. 7 اکتوبر هجومی اسرائیل نی چیدمسیز خوفسیزلیک بحرانی گه دوچ کیلتیردی. نتیجه ده اسرائیل نینگ فلسطینلیک اکتورلرنی و منطقوی اکتورلرنی قورقیتیش ظرفیتی مهم درجه ده کمه یدی. بو ایسه اسرائیل نینگ خوفسیزلیک پولیتیکالریده و منطقوی اورتاقلیکلریده مهم بیر اوزگریش کیلتیریشی و اورته شرقده کتته راق بیر اوزگریش گه سبب بوله جگینی کورسته دی.

تورکیه تشقی ایشلر وزیری خاقان فیدان نینگ قطر سفری چاغیده ایتگن بو خوفسیزلیک بحرانی فلسطین توقنه شووی گه ییچیم بولیب ینگی بیر منطقوی تینچلیک یراتیشی ممکن ویا کینگ بیر منطقوی توقنه شووگه ایلنیشی ممکن. تینچلیک شو وقت اوزاق کوریلسه ده منطقوی برقرارسیزلیک نینگ کوپه یش احتمالی بار.

بو جریان اسرائیل نینگ حماس نی تاثیرسیز وضعیت گه کیلتیریش یوتوغی گه ایریشیش و ترجیح قیلگن یولگه قره ب باره دی. حماس گه قرشی اسرائیل نینگ بیر ییر عملیاتی و کیین شمالی غزه اشغالی و اشغالدن کیین باشقروونینگ ایجاد ایتیلیشینی اوز ایچیگه آلماقده. بیراق انچه قیینچیلیکلر بار. چونکه اسرائیل انیق بیر پلان یوق. امریکا قوشمه ایالتلری نینگ اسرائیل اوستیده گی باسیم و غزه ده گی حماس نینگ مقاومتی بونگه توسیق بولیشی ممکن. اسرائیل نینگ چیتسیز حربی کوچدن ایش آلیشی و عمومی جزالنتیریشلری خلق ارا ناراضیلیک که سبب بولماقده و کینگ بیر ییر عملیاتی اسرائیل اوچون جدی خوفسیزلیک و قیینچیلیکلر یراته دی.

 ییر عملیاتی نینگ اسرائیل و غزه دن تشقریگه انعکاس قیلیش احتمالی هم امریکا قوشمه ایالتلری همده اسرائیل نی قیسماقده. لبنان ده گی حزب الله نینگ توقنه شووگه قتنشیشی شونده ی بولیب سوریه بیلن عراق ده گی تورلی جنگری گروپلری تامانیدن امریکا قوشمه ایالتلری حربیلری موجودیتی نینگ هدف آلینیشی امریکا قوشمه ایالتلری نی توقنه شووگه تارتیشی ممکن و کینگه یتیریشی ممکن.

اسرائیل نینگ غزه ده گی هجومچیلیگی اورته شرق جیوپولیتیکیده بحران نینگ کوپه یشی گه و نورماللشوو جریانی نینگ اداغگه ییتیب باریشی گه سبب بولیشی ممکن. تورکیه نینگ اسرائیل گه قرشی یانداشووی جمهور باشلیغی ایردوغان نینگ اسرائیل نی قتّیق قاره لشی بیلن اوزگریب کیتدی. عیندمده ایردوغان تورکیه نینگ تورلی چاره – تدبیرلر آلیش گه تیار ایکن لیگینی تاکییدله دی. تورکیه نینگ توقنه شونی ییچیش اوچون منطقوی دیپلوماسی آلیب بارگن حالده اسرائیل نینگ اماجی گه ییتگونچگه قدر آتشکیسین قیلمسلیگی انیق. بو شرطلر کوزگه توتیلگنده اسرائیل بیلن تورکیه اورته سیده گی مناسبت نینگ نورماللشیشی قیین کوریله دی.

اسرائیل بیلن ایران دشمنلیگی نینگ کوچه ییب باریش احتمالی هم جوده مهم. امریکا قوشمه ایالتلری ایران بیلن توغریدن توغری توقنه شوودن اوزاق توررکن ایران قوللب قوتله گن قوراللی گروپلر آرقه لی عراق و سوریه ده گی امریکا قوشمه ایالتلری حربی مرکزلریگه قره ته هجوملر بو یانداشووگه اوزگریش کیلتیریشی ممکن. کورفز اولکه لریده ایران بیلن یوموشش تبلیغی کمه ییب بارماقده و کورفز – ایران یقینلشیشده بیر ینگیلیک بارلیگینی کورسته دی.

اسرائیل نینگ هجومچیلیگی فلسطین مسئله سی اوستیده تاثیر قالدیریشی ممکن. اسرائیل نینگ 7 اکتوبردن کیین خوفسیزلیک و تشقی سیاست یانداشوویده ایککی دولتلی ییچیمدن وازکیچیش معناسیگه کیلیشی ممکن و فلسطین مسئله سینی آرتده قالدیریشی ممکن. بو ایسه اسرائیل نی چیتلنتیریشی ممکن. ابراهیم کیلیشوولرینی و منطقوی اتفاقلرینی بی فایده قیله دی. عرب اسرائیل بحرانلرینی قیته دن کوچه یتیریشی ممکن. فلسطین مسئله سینی دقت گه آلمه گن تقدیرده ایککی دولتلی ییچیم نی کیینگه قالدیریب تشلش، منطقوی رادیکاللشیش نی و منطقوی مقیاسده سلبی تاثیر قالدیریشی ممکن.

بو ریسکلر کوزگه توتیلگنده اورته شرق نینگ منطقوی خوفسیزلیک فضاسی نینگ 7 اکتوبردن کیین کوپراق رقابتچی وضعیت گه کیلیشینی کورسته دی. اسرائیل نینگ غزه ده دوام ایتیب تورگن ییر عملیاتی بو رقابتچی فضانی توقنه شووچی فضاگه ایلنتیریشی ممکن. اسرائیل نینگ خوفسیزلیگی و برقرارلیگی گه قیینچیلیکلر کیریتیشی ممکن. بونقه بیر خوفسیزلیک فضاسیده اسرائیل نینگ اوزینی امینتده حس ایتیشی امکانسیز دیر. اینگ توغریسی اسرائیل نینگ هجومچیلیگینی کمه یتیریب بیر آتشکیسین اعلان ایتیشی دیر.

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه تحلیل یازووینی تقدیم ایتدیک.