واگنرنینگ عصیانی و احتمالی نتیجه لری
تحلیل و تیکشیروو
واگنرنینگ عصیانی و احتمالی نتیجه لری
روسیه، اوکراین اوروشی گه ماسلنگن احتمالی بیر یاز حرکتی اوچون تیارگرلیک کوررکن هیچ کوتمه گن بیر جایدن ضربه آلدی. اوزی باقیب ییتیشتیرگن واگنر معاشلی اردوسی آنیدن اوکراین ده گی جبهه لردن کیینگه قیتیب روسیه نینگ ایچیده مسکوگه قره ب یول آلدی. روس اردوسی چاره سیزلیک بیلن قره ب قالدی. پوتین هم اقتداریده اینگ کتته قوزغالان بیلن دوچ قالدی. نتیجه ده واگنر مسکوگه قریب 200 کیلومتر یقین بولدی. بلاروس نینگ رهبری الکسندر لوکاشینکونینگ واسطه چیلیگی بیلن بیر کیلیشوو بولدی و واگنر توخته دی و کیینگه قیتدی. بیراق واگنر عصیانی نینگ هم روسیه همده اوکراین قاله ویرسه سوریه و لیبیا کبی اولکه لرده مهم نتیجه لر توغدیره دی.
تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایته میز.
24 جون کونی واگنرگه باغلیق معاشلی حربیلرنینگ اوکراینده گی جبهه لرنی ترک ایتیب آنیدن روسیه نینگ ایچی گه کیریب باریشی روستوف کبی شهرلرنی قولگه کیریتیب مسکوگه قره ب یول آلیشی دنیاده بولگندیک روسیه دولت رهبری پوتین نی هم شوک قیلگن دیر. روسیه باقیب ییتیشتیرگن و بیر کوچ اوله راق ایش آلگن واگنر بو مرته روسیه نینگ منفعتی اوچون ایمس توغریدن توغری اوزیگه قره ته جبهه آلگن بیر تهدید اوله راق مسکوگه قره ب یول آلگندی. روسیه نی یقیندن تعقیب ایتگن متخصصلر درحقیقت روسیه مدافعه وزیرلیگی بیلن پریگوجین رهبریتیده گی واگنر اورته سیده جدی معمالر بارلیگینی بیلردی. اینیقسه پریگوجین سونگگی کونلرده جوده قتّیق بیاناتلر بیریب مدافعه وزیری شویگو بیلن قوراللی کوچلر قومندانی گراسیموف نی خیانت قیلیش بیلن عیبلب اوکراین اوروشینی جوده یمان باشقرگن لیگینی تاکییدله دی. ینه روس اردوسی نینگ واگنرنینگ کمپلرینی بمباردمان قیلگن لیگینی ادعا ایتدی و کیین عدالت یورویشی دیب اته گن حربی حمله نی باشله تدی. در حقیقت روس مدافعه وزیرلیگی واگنرگه باغلیق عنصرلرنینگ توغریدن توغری اوزی بیلن کیلیشووگه قول قوییشی اوچون بیر جریان باشلتگندی. در نتیجه واگنرنینگ انچه کوچه یگن لیگینی و کنترولدن چیققن لیگی بوییچه بیر مفکوره گه ایگه ایدی. بیراق کیره کلی آدیملرنی آتیش گه کیچ گه قالدیلر و خلق ارا مقیاسده روسیه نی قیین وضعیت گه توشیرگن کوچسیز بیر اولگه وضعیتی گه قویگن عصیان باشله گن بولدی. عصاین و دوام ایتیب تورگن جریان پروگوجین نینگ انچه ادعاسینی تایید ایتگن بولدی. روس اردوسی واگنرنینگ شهرلرنی قولگه کیریتیب آلیشی گه توسیق بولالمه دی و حتی مسکونی قوریقلش گه قادر ایمس ایکن لیگی یوزه گه چیقدی. هم استخبارات همده قومنده جهتیدن جدی کمچیلیکلری بارلیگی اورته گه چیقدی. پوتین هم روس دولت باشلیغی اوله راق بو جریاندن اینگ کوپ تاثیرلنگن سیمالردن بیرته سی بولدی. البته مسکو چقور سوولر آستیدن واگنرنی قوللب – قوتله گن لرنینگ کیملیگی انیقلنمه گن و بلاروس واسطه چیلیگیده بولیب اوتگن کیلیشوونینگ نتیجه لری هم انیق ایمس. بیراق پوتین نینگ قرشیسیده بعضی بیرته لرنینگ منفعت قولگه کیریتگن لیگینی کوریش قیین ایمس.
شونده ی بولیب روسیه ده یوزبیرگن بو عصیان نینگ اوکراین اوروشیده جدی تاثیر بوله دی. اوکراین اردوسی و متفقلری نینگ اوروشده غلبه قازانیش اورونیشیده جدی تاثیرلی بولیشی ممکن. ینه سوریه و افریقاده تورلی اولکه ده گی واگنر موجودیتی هم خطرگه کیره دی. مسکونینگ حمایه سی بوله ی واگنرنینگ بو جایلرده بارلیگینی دوام ایتتیریشی ممکن بولمسه کیره ک. بیراق واگنرنینگ تیمیر کوچی بولمه ی روسیه اوچون جیوپولیتیک مغلوبیتلر بوله دی. پوتین نینگ قاشیده بوندن کیین باشقریله دیگن جوده قیین بیر جریان بار. دشمنلری ایسه کوپراق تیارگرلیک کورگن وضعیتده.
تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایتدیک.
