ییتیب کیله یاتگن سیلاولر و ترورچیلیک که قرشی کوره ش
تحلیل و تیکشیروو
ییتیب کیله یاتگن سیلاولر و ترورچیلیک که قرشی کوره ش
تورکیه سیلاو فضاسیگه کیرگن وضعیتده ایکن پی کاکا ترور تشکیلاتی نینگ اوزیچه ییتکچیلری نینگ سیلاولر بیلن تیگیشلی دواملی بیاناتلر بیریشی و ایردوغان نینگ قرشیسیده گی کاندید و اتفاقلرنی قوللب – قوتلشلری دقت تارتماقده. درنتیجه طبیعتی سیاسی جریانلردن تشقری ترورچیلیک و خشونت آرقه لی نتیجه قولگه کیریتیش اورونیشیده بولگن پی کاکانینگ بو ینگی حرکت شکلی نینگ ترور تشکیلاتی نینگ کیرگن گرداب نینگ ایچیده چیقه آلمه گن لیگی و ییتکچیلری نینگ چاره سیز بولیب قالگن لیگی کوریله دی.
تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایته میز.
PKK/KCK نینگ اجرائیه کینگشی اعضاسی بولمیش دوران قالقان مطبوعات گه بیر بیانات بیریب ایردوغان نینگ ییتکچیلیگیده گی اقتدارنینگ کیسکین اوله راق تونتریلیشی کیره ک لیگینی افاده ایتدی. در حقیقت تورکیه سیلاو فضاسیگه کیرگن خوددی شو پیتده پی کاکانینگ اوزیچه ییتکچیلری بوتونله ی شونقه بیاناتلر بیرماقده. جمیل باییق، مراد قاره ییلان، بسه هوزوت کبی کیشیلر آق حزب - م ح پ اتفاقیده گی اقتدارنینگ قیسی شکلده بولیشیدن قطعی نظر تونتریلیشی و جاییده معقول الترناتیف نینگ ایجاد ایتیلیشی کیره ک لیگینی تاکییدله دیلر. حتی تشکیلات تامانیدن بسه هوزوت بیرگن اعلامیه ده 14 میده گی سیلاولرنینگ هیچ بیر سیلاوگه اوخشه مه گن لیگینی اورغولب ح د پ نینگ کمال قلیچداراوغلی نینگ قرشیسیگه کاندید بیرمه یشی نینگ هم توغری ایکن لیگینی و سیلاولر اداغگه ییتگونچگه قدر «حربی حرکتلرنی» توخته تیب قویگن لیکلرینی بیلدیردی. آرتیدن ایسه ح د پ و یاردمچی حزب ایتیب تشکیل قیلینگن یشیل چپ حزب نینگ قلیچداراوغلی و ملت اتفاقی بیلن قورگن بیرلیک که دقت تارتدی.
PKK/KCK نینگ ترماغی بولمیش ح د پ یشیل چپ حزبی نینگ قلیچداراوغلی بیلن اوچره شوو اوتکزه دی و تورلی مذاکره لرنینگ آرتیدن کاندید بیرمسلیک و قلیچداراوغلینی قوللب – قوتلش قراری آلدی. شونده ی بولیب PKK/KCK ترور تشکیلاتی نینگ برچه کوچی بیلن سیلاو جریانیده فعالیت آلیب باریشی و ایردوغان نینگ قرشیسیده پوزیشن الیب نیمه معنا بیره دی؟ طبیعت اوله راق مشروع سیاسی سیستم و سیلاو جریانیدن اوزاق بولیشی کیره ک بولگن بیر ترور تشکیلاتی نیمه اوچون سیاسی کمپاین آلیب بارماقده؟
منه شو دوران قالقان نینگ بیاناتی پی کاکانینگ بو حرکت شکلینی کورسته دی. قالقان بیرگن بیاناتده؛ ایردوغان میت نی پیاده قیلگن بیزنی اولدیریش اوچون. لیست لیست آتیمیزنی بیرگنلر، هرگون اولدیرماقده لر، هیچ کیمدن سیس چیقمه یدی. میدیا مدافعه ساحه لریده، باکورده تونللرده هر جایده هجوم گه دوچ قالگن میز. قندیل ده، سنگال ده، روجواده اولدیریلماقده میز. هرکون اولدیرماقده. هیچ کیم نینگ سیسی چیقمه یدی. رویخطلر ترتیبله گنلر قیزیل لیست، سریغ لیست، یشیل لیست یعنی هر رویخطده 30-40 نفر قویگنلر. فوتو تصویر قویگنلر. بولر قیدیروو رویخطی ایمس اولدیریله دیگنلر رویخطی" دیب درحقیقت PKK/KCK نینگ قنداغ بیر باسیم آستیده ایکن لیگینی، ییتکچیلری نینگ حرکت ایته آلمه یدیگن و باشقره میه دیگن بیر وضعیت گه کیلگن لیگینی اورته گه قویگن بولدی.
تورکیه تامانیدن سونگگی ییللرده ترور تشکیلاتی پی کاکاگه قره ته پرو اکتیف و تام ساحه باسیم آلیب باریشی جدی معناده نتیجه بیرگن وضعیتده. تورکیه نینگ ایچیده تقریباً حرکت قیله آلمس وضعیت گه کیلتیریلگن ترور تشکیلاتی عراق و سوریه ده هم چیگره دن تشقری حربی عملیاتلر آرقه لی ساحه لرنی قولدن بیرماقده. بیراق دوران قالقان هم افاده ایتگن و دقت تارتگن ایریم بیر کوره شکلینی ایسه میت آلیب بارماقده. میت نینگ ینگی دوکتورینی گه قره گنده پی کاکانینگ ییتکچیلرینی یوقه تیش بوییچه الیب بارگن عملیات جریانی 2015 ییلیدن بوگونگچه 500 اطرافیده کیشی نینگ تصفیه ایتیش گه موفق بولرکن تشکیلات نینگ حرکت شکلی گه هم جدی بیر اوزگریش کیلگن لیگی هم کوریله دی. دوران قالقان تامانیدن 18 اپریلده بیریلگن بیاناتده تایید ایتگن شکلده حرکت و علاقه ظرفیتی جدی شکلده محدودلشگن تشکیلات ییتکچیلری نینگ کوچسیزلشیب بارگن لیگینی تایید ایتگن بوله دی.
شونده ی بولیب PKK/KCK ترور ساختاری نینگ اوزیچه ییتکچیلری ایچی گه توشگن گردابدن قوتیلیش اوچون سیلاولرنی تاریخی بیر فرصت اوله راق کورماقده. ایردوغان نینگ تونتریلیشی بیلن ترورچیلیک که قرشی مقاومت نینگ ضعیفلشیشی، تورکیه نینگ عراق و سوریه ده حربی عملیاتلرنی توخته تیب قوییشی، ایریم ساختارلری بولمیش ح د پ بیلن یشیل چپ حزبی نینگ قیته دن کوچه ییب اولکه نینگ شرق منطقه لریده اوزیلریگه ساحه یراتیشینی کوتماقده. افسوسکی بویوک مخالفت حزبی ییتکچیسی کمال قلیچداراوغلی نینگ بعضی بیر بیاناتلری ح دپ بیلن یشیل چپ حزبی بیلن بیرگه لیکلری هم بو یانداشووگه فرصت یراتماقده.
شونده ی بولیب تروریزم گه قرشی کوره ش تورکیه جهتیدن سیاست نینگ اوستیده بیر ملی خوفسیزلیک مسئله سی دیر. پی کاکانینگ یوقالیشی گه کم قالگنده موجود خوفسیزلیک دوکتورینی نینگ قرارلی شکلده دوام ایتتیریلیشی کیره ک.
تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایتدیک.
