ییر قیمیرلش و تشقی سیاست

ییر قیمیرلش و تشقی سیاست

تورکیه ده ایککی ته کتته ییر قیمیرلش دیپلوماسینی هم حرکت گه توشیردی. 88 اولکه توغریدن توغری یاردم بیردی. 11 مینگ 302 ته چیت ایللیک قیدیروو و قوتقروو فعالیتلریده اورین آلدی. ینه همکارلیک مقصدی بیلن ناتو باش کاتبی، یونان، ارمنستان و اسرائیل تشقی ایشلر وزیرلری نینگ سفرلری نینگ آرتیدن امریکا قوشمه ایالتلری تشقی ایشلر وزیری بلینکن هم اوتگن کونلرده تورکیه گه کیلگندی. آلمان ایچکی ایشلر و تشقی ایشلر وزیرلری هم ییر قیمیرلش یوزبیرگن منطقه سیگه کیلدی.

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه تحلیل یازووینی تقدیم ایته میز.

ایچکریده کتته بیر بیردملیک کورستگن تورکیه گه کوچلی بیر خلق ارا یاردم نینگ ییتیب کیلیشی و سفر اویوشتیرگنلر بیلن اولیملی فضا "ییر قیمیرلش دیپلوماسیسینی" مطرح قیلدی. اینیقسه یونان تشقی ایشلر وزیری دندیئاس نینگ سفری چاغیده و اونینگ آرتیدن بروکسلده تورکیه گه همکارلیک بیاناتی تورکیه – یونان مناسبتلریده 1999 مرمره زلزله سی نینگ آرتیدن یوز بیرگن معتدللیک نی ایسله تدی. امریکا قوشمه ایالتلری، اروپا بیرلیگی و یونان بیلن مناسبتلرده ییر قیمیرلش دیپلوماسیسی بیلن ینگی بیر باسقیچ گه اوتیش کیره ک لیگینی ایتگنلر هم بار.

البته کی فلاکت گه قرشی بیردملیک انسانیت نینگ مشترک خاصیتی دیر. کروناویروس -19 کسل لیگی نینگ ایلک کونلریده دنیانینگ کوچلی اولکه لری نینگ بو سیناوده ناموفق بولگن لیگینی هم ایسدن چیقرمسلیک کیره ک. ییر قیمیرلش طفیلی تورکیه گه ییتیب کیلگن یاردملر دردنینگ کمه یشی گه حصه قوشدی.

ایککی ییر قیمیرلش نینگ قورقینچ ییقیمی اورته ده تورگن. بیراق تورکیه گه یاردم بیریش گه اورونیش نینگ یگانه سببی بو ایمس. غیر صافی ملی عایدی گه قره گنده انسانی یاردملرده تیپه ده تورگن تورکیه دیر. جمهور باشلیغی ایردوغان خلق ارا سیستمده گی عدالتسیزلیک نی بیرلشگن ملتلر تشکیلاتی قاله ویرسه هر جایده تیلگه الگن رهبرلردن بیرته سی دیر. شونده بولیب پاندیمی پیتیده تورکیه ساغلیک موادلری یاردمی بوییچه تیپه ده اورین آلدی. اوکراین اوروشیده واسطه چیلیک رولی بیلن حبوبات کوریدوری و اسیر المه شوویده یوتوقلی بولدی.

تورکیه دنیانینگ تورت بورچه گیده یوزبیرگن فلاکتلرده یاردم ییتکیزیب بیرگن ییتکچی اولکه لردن بیرته سی دیر. شو اوچون غربلیک متفقلریدن، قوشنیلریدن، اسلام و تورک عالمیدن افریقا قاله ویرسه هر جایدن تورکیه گه یاردم ییتیب کیلدی. تورکیه دوستلیک کورستدی دوستلیک کوردی.

ییر قیمیرلش دیپلوماسیسینی بحراننی کمه یتیریش و اوزارا مناسبتلرنی کوچه یتیریش اوچون استعمال قیلیش کیره ک لیگی انیق. ارمنستان، اسرائیل و یونان مناسبتلریده موجود اولیملی فضادن انیق منفعتلر قولگه کیریتیلیشی اوچون اورونیش کیره ک. شونده بولیب بحرانلرگه ییچیم اوچون اوزارا اراده بیلن دیپلوماسینی تیزلشتیریش کیره ک. آفت بیردملیگی نینگ بیر مدت دوام ایته جگی و ملی منفعت کوره شیشلریگه بیر آنده ییچیم بولمس لیگینی بیلیش کیره ک. عکسینچه قرارلی بیر مذاکره جریانی گه کیره ک بار. بو اوچ اولکه بیلن نورماللشوو جریانی نینگ یوتوقلی آلیب باریش اوچون اوزارا مهم فکتورلر بار.

تورکیه، آذربایجان و ارمنستان اورته سیده تینچلیک جریانینی بیر تامانگه تشلب یوبارمه یدی البته کی. اسرائیل بیلن نورماللشوو موضوعیده تورر جایلری و بیت المقدس معماسی کون ترتیبیده دیر. یونان نینگ آراللرده قورال جایلشتیریشی و 12 میل ادعاسی بحران گه سبب بولماقده. ییر قیمیرلش دیپلوماسیسی نینگ بو موضوعلرنی باشقریلیشیده و ممکن مرتبه ییچیمی گه اولمیلی تاثیر قالدیریشی اوچون اورونیش کیره ک.

ستولتنبرگ سفری چاغیده سویدن و فینلندنینگ اعضالیگی نینگ قبولی موضوعینی کون ترتیبی گه آلدی. بلینکن نینگ انقره سفری اولیملی ایدی. تورکیه و سوریه گه یاردم نینگ 185 میلیون دالرگه کوتریلگن لیگینی، بیرلشگن ملتلر تشکیلاتی باش کاتبی نینگ 1 میلیارد دالرلیک یاردم طلب ایتگن لیگینی ایتدی. شونده ی بولیب متفقلیکدن، گلوبال اوله راق مشترک بیر شکلده ایشلشدن و عین قدریتلرنی باهم لشیشدن بحث قیلدی. بیراق ف-16 لرده حلی گچه ییچیم یوق. واشنگتن نینگ وای پی جی گه همکارلیگی و داعش گپلری دوام ایتماقده. سویدن و فینلند موضوعی دوام ایتماقده. بولرنینگ برچه سی تشقی سیاست نینگ حقیقتلری دیر.

ییر قیمیرلشدن کیینگی اوزارا یانداشوولرنینگ اوزگریشی مهم بیراق بونی عملی آدیملر بیلن کوچه یتیریش کیره ک.   

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه تحلیل یازووینی تقدیم ایتدیک.