بیر عصرنینگ فلاکتی

بیر عصرنینگ فلاکتی

افسوسکی تورکیه نینگ جنوب – شرق منطقه سیده قهرمانمره ش ولایتی نینگ پازارجیک و ایلبستان تومنلریده کیتمه کیت 7،7 و 7،6 رشتر ییر قیمیرلشلر منطقه نی بوتونله ی لرزه گه تشله دی. آفت و عاجل وضعیتلر باشقرووی تامانیدن بیریلگن راپورگه کوره اولگنلر سانی 35 مینگدن آشیب کیترکن یره لنگنلر 100 مینگدن آرتیق. ییرقیمیرلشلر تورکیه قاله ویرسه سوریه نینگ شمال – غرب منطقه سیده کتته کلفت گه سبب بولدی. ادلب، عفرین، حلب کبی منطقه لرده قریب 10 مینگ کیشی حیاتینی یوقاتدی.

تشقی سیاست تیکشیرووچیسی جان اجون نینگ موضوع بوییچه یازووینی تقدیم ایته میز...

تورکیه 6 فبروری ایرته لب کوزلرینی آچگنده افسوسکی کتته فلاکت بیلن دوچ قالگن وضعیتده ایدی. ییر قیمیرلش متخصصلری تامانیدن بیر عصرنینگ فلاکتی ایتیب اتلگن کیتمه کیت زلزله حادثه لری یوزبیردی. تورکیه نینگ جنوب – شرق منطقه سیده قهرمانمره ش ولایتی نینگ پازارجیک و ایلبستان تومنلریده کیتمه کیت 7،7 و 7،6 رشتر ییر قیمیرلشلر کتته فلاکت گه سبب بولدی. ییر قیمیرلشلرنینگ کیتمه کیت یوزبیریشی ییر اوستی گه 7 کیلومتر یقیندن یوزبیرگن لیگی قریب 90 ثانیه دوام ایتیشی فلاکت نی تاباره کتته بولیشی گه سبب بولگن وضعیتده. قهرمانمره ش قاله ویرسه هاتای، غازی انتیب، ملاتیا، شانلی اورفا و آدی یامان کبی ولایتلرده جوده بویوک ویرانلیکلر یوزبیردی. ینه سوریه نینگ ادلب و حلب ولایتلریده هم جدی ویرانلیک یوزبیردی. قریب آلمان قدر منطقه نی ییر قیمیرلشدن جدی تاثیرلنگن لیگینی کوره میز. آفت و عاجل وضعیتلر باشقرووی تامانیدن بیریلگن راپورگه کوره 15 فبروریگچه بولگن تلفات سانی 35 مینگدن آشیب کیترکن یره لنگنلر 100 مینگدن آرتیق. ییرقیمیرلشلر تورکیه قاله ویرسه سوریه نینگ شمال – غرب منطقه سیده کتته کلفت گه سبب بولدی. ادلب، عفرین، حلب کبی منطقه لرده قریب 10 مینگ کیشی حیاتینی یوقاتدی. تورکیه ده زلزله دن تاثیرلنگن منطقه لرده (جک، آفاد، پاک، جواک، دیساک، قیرغاق خوفسیزلیک، داک، خوفسیزلیک، اطفائیه، معارف) کبی محلی و خلق ارا قیدیروو و قوتقروو تشکیلاتلریدن عبارت توپلم 35 مینگ 249 ته قیدیروو و قوتقروو پرسونلی وظیفه اجرا ایترکن، تورکیه نینگ دنیادن طلب قیلگن یاردم چقیریغی نینگ آرتیدن 60 دن آرتیق اولکه دن کیلگن 9 مینگ 456 ته قیدیروو و قوتقروو پرسونل قتنشدی. زلزله یوزبیرگن منطقه لرده وظیفه اجرا ایتگن توپلم دولت ملازمی 250 مینگدن آشدی.

تورکیه ییر قیمیرلش نینگ ایلک آنلریدن اعتباراً برچه باشقروولری بیلن حاضر باش وضعیت گه اوترکن مذکور ویران بولگن جایلرگه یاردم جونه تیش گه اوروندی. اینیقسه قیدیروو و قوتقروو عملیاتی پرسونللری کوچکی قالدیقلری آستیدن انسانلرنی جانلی قوتقریب آلیش گه اوروندی. بیراق قولب کیتگن 50 اطرافیده بنا بار. افسوسکی برچه بنالرگه مداخله قیلیش ممکن بولمه دی. کوچکی قالدیقلری آستیده گیلر بیلن اورونیش دوام ایترگن بیر تاماندن باش پناهگاه تیارلش جریانی باشلندی. هوا ساووق بولگن منطقه ده بیر تاماندن خیمه و کانتینر قوریلماقده. البته کی ییقیلیب کیتگن منطقه لر زلزله گه ماس ینگی بنالر بیلن قیته قوریله دی. جمهور باشلیغی ایردوغان ییر قیمیرلشدن تاثیرلنگنلرگه بیر ییل ایچیده ینگی اوی – جایلرینی قوریله جگینی وعده قیلدی. تورک خلقی اوز ایچیده کتته بیردملیک ایچیده بولگن وضعیتده. اون مینگلب افتخاری کیشی ساحه ده جانی – باش بیلن اورونیب تورگن. ایریم برچه ولایتلرده یاردم کمپاینلری آلیب باریلماقده. نادولت تشکیلاتلر جوده اکتیف اورونماقده.

البته کی خلق ارا همجمعیت گه کتته مسؤلیت توشه دی. بو بنالرنینگ و آست قوریشلرنینگ قیته دن تیکلنیشی اوچون تورکیه گه یاردم بیریشلری کیره ک. تورکیه حلی گچه دنیانینگ تورت بورچه گیده یاردم گه احتیاجی بولگن اولکه لرگه یاردم ایتدی. البته کی بونینگ ثمره سینی آلیش گه باشله دی. تورکیه گه بوتون دنیادن یاردم ییتیب کیلماقده. بیراق اینیقسه قیته قوریش جریانیده کوپراق یاردم گه ضرورتی بار.     

تشقی سیاست تیکشیرووچیسی جان اجون نینگ موضوع بوییچه یازووینی تقدیم ایتدیک.