تورکیه – یونان مناسبتلریده س- 300 بحرانی
تحلیل و تیکشیروو
تورکیه – یونان مناسبتلریده س- 300 بحرانی
تورکیه – یونان مناسبتلری، ایچیده گی بیر قطار معمالر بیلن بحرانی بیر باسقیچده. بو بحران عموماً یونان تامانیدن مکسیمالیست پولیتیکالر و تحریکلر بیلن تورکیه نینگ بو پولیتیکالرنی قبول ایتمه ی دیپلوماتیک و حربی اوله راق کورستیشی و تحریکلرگه قتّیق جواب بیریشیدن عبارت دیر. اوزارا قتّیق بیاناتلر بیریلیشی درحقیقت تاریخی و جیوپولیتیک کیلیشماوسیزلیکدن کیلیب چیقه دی. بیر مدتدن بیری مناسبت بحرانلشگن حالده بو بحران نینگ چقورلشیشی گه توسیق بولینگن دیر. بیراق یونان نینگ 23 اگستده تورک حربی اوچاقلریگه س-300 رادار تعقیبی آستی گه آلیشی بیلن ایککی اولکه اورته سیده گی بحران ینگی بیر باسقیچ گه اوتدی.
خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایته میز.
نیمه اوچون س-300 سوالیگه جواب قیترماقچی بولگنده بیر نیچه موضوع نینگ یوزه گه چیققن لیگی کوریله دی. بولردن بیرینچیسی ایککی اولکه نینگ هم سیلاو جریانی گه کیرگن بولیشی. یونانده قیسقه بیر مدتده وقتیدن آلدین سیلاوی بولیب اوته دی. تورکیه یونان ایچکی سیاستیده سیلاولر یقین بولیب کیلگنده بیرینچی موضوع بولیب قاشیمیزده توره دی. تورکیه ده هم 2023 ییلی سیلاو بولیب اوته دی. قنچه هم یونان تورکیه سیلاوی اوچون بیر اهمیتی بولمسه ده موجود بحران سیلاولرده مهم بیر تارتیشوو موضوعی بولیشی ممکن. ایککینچی بیر موضوع ایسه تورکیه نینگ حربی کوچی نینگ سونگگی ییللرده یونانگه کوره انچه کوپ بولگن لیگی دیر. یونان تورکیه ده گی مدافعه صنایعی گه قرشی اوزینی کم سیتماقده دیر. تورکیه نینگ بو ظرفیتی بیلن ساحه ده مهم درجه ده یوتوق قولگه کیریتیشی، یونان نینگ ایسه بونگه قرشی ییترسیز و کیچگه قالیشی اولر اوچون جوده سلبی بیر حادثه دیر. تورکیه نینگ اینیقسه هیداوچیسیز هوا واسطه لری تکنالوجیسیده ییتیب بارگن نقطه یونان نی قینه ماقده و راحتسیز ایتماقده.
یونان نینگ اصل مقصدی تورکیه نی موجود کیلیشماوسیزلیکلر آرقه لی تحریک ایتیب اروپانی یانی گه آلیش دیب کوریله دی. شونده ی بولیب تورکیه نینگ یونان نینگ تحریکلریگه قتّیق جواب بیریشی کوتیلماقده و اروپاگه انعکاس بیریب تورکیه گه قرشی بیر بیانات بیریلیشی مقصد قیلیب آلینگن. اوزاق مدتدن بیری یونان نینگ تورکیه گه قرشی تشقی سیاستی نینگ اساسینی بو یانداشوو تشکیل ایتماقده. اینیقسه اوکراین اوروشی بیلن تورکیه نینگ جیوپولیتیک اورنی نینگ تیپه گه چیقیشیدن آتن باشقرووی نینگ راحتسیز بولگن لیگی کوریله دی. تورکیه تامانیدن اورته شرقده آلیب باریلگن ینگی نورماللشوو سیاستی هم آتن نی راحتسیز قیلگن وضعیتده. شونده ی بولیب تورکیه نینگ اورته شرق اولکه لری بیلن بحرانی بیر مناسبت گه بولیشی آتننی راحتلتگن وضعیتده و اورته ییر دینگیزی طبیعی گازی توغریسیده تورکیه نینگ چیتلنتیریب تشلش گه سبب بولگندی. بیراق تورکیه نینگ نورماللشوو سیاستی بیلن بو جریانگه اوزگریش کیلتیریشی آتن نی قیته دن تورکیه گه قرشی بیر پوزیشن آلیش گه سوردی. باشقه تاماندن یونان، تورکیه نینگ تاباره کوچه ییب بارگن حربی کوچینی بهانه قیلیب هم ایگه آراللرینی قوراللشتیریش گه اورونماقده همده فرانسه و امریکا قوشمه ایالتلری کبی اولکه لر بیلن قوراللنیش ساحه سیده کیلیشوولرگه قول قوییب قورال گه بیرگن پول نی تورکیه نی بهانه ایتیب ایچکریده مشروعلشتیرماقده. بو هم ایچکی پولیتیکاده قرض گه کومیلیب قالگن حکومتنی کوچلی قیله دی همده امریکا قوشمه ایالتلری و فرانسه کبی اولکه لرنی آسانراق کوندیریش گه فایده قیله دی.
ینه بیر سبب ایسه یونان نینگ تورکیه نینگ شرقی اورته ییر دینگیزده گی طبیعی گاز قیدیروولریدن راحتسیز بولیشی دیر. عبدالحمیدخان آتیده گی کیمه سی بیلن انرژی قیدیروولری توغریسیده ییتکچی اولکه لر قطاریگه اورین آلگن تورکیه آتن اوچون انچه راحتسیزلیک سببی دیر. بناً آتن بحراننی کوپه یتیریب تورکیه نی طبیعی گاز قیدیروولری توغریسیده یکه قوییش نیتیده. حتی شو وقت یونان لابیسی برچه اورونیشلرینی بو موضوعده ماسلشتیرگن وضعیتده.
س-300 بحرانی ایککی اولکه اورته سیده گی مناسبتلرنینگ بوندن کیین بحرانی بیر باسقیچ گه کیره جگینی کورسته دی. بناً جمهور باشلیغی ایردوغان نینگ س- 300 حقیده قتّیق بیانات بیریشی هم بونی کورسته دی. البته کی حاضرچه تورکیه بیلن یونان اورته سیده قوراللی بیر توقنه شوو ویا اوروش یوز بیریش احتمالی کوپ کوریلمه یدی. بیراق یونان نینگ بحراننی چقورلشتیریش یانداشووی دوام ایتر و تورکیه نینگ بونگه جوابی قتّیقراق بولسه او وقت ایککی اولکه اورته سیده گی مناسبتلرنینگ سیاسی و دیپلوماتیک بحراندن ایلگریگه باریشی احتمالی بولگن لیگینی کوریش ممکن.
خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایتدیک.
