عراقده ایچکی اوروش تهدیدی و صدرنینگ ینگی پلانی

عراقده ایچکی اوروش تهدیدی و صدرنینگ ینگی پلانی

عراقده 2021 ییلی 10 اکتوبرده بولیب اوتگن سیلاونینگ آرتیدن وضعیت برقرار بولمه دی. سیلاولرده اوتیلگن هشدی شعبی گه باغلیق تورلی قوراللی گروپلر قوللریده گی قورال کوچی آرقه لی زوروانلیک بیلن سیاسی نتیجه قولگه کیریتیش ایچیده بولدیلر. ایرانگه باغلیق بولیب حرکت قیلگن بو عنصرلرگه ایشی مقتدا الصدرنینگ ییتکچیلیگیده "عراق ملیتچیلیگی" حرکت گه اوتدی. آیلردن بیری ینگی حکومت قوریلمه گن اولکه ده ایران طرفداری گروپلر بیلن صدر و متفقلری تامانیدن کوچ کوره شی کوچه لرگه ییره ب توقنه شوولرگه ایلنر ایکن، صدر کوتیلمه گن بیر حمله بیلن سیاستدن قول تارتگن لیگینی بیلدیردی.   

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایته میز

عراقده 2021 ییلی 10 اکتوبرده بولیب اوتگن سیلاونینگ نتیجه لریگه کوره، شیعه رهبر مقتدا الصدرگه باغلیق صدر گروگی 73 ته چوکی قولگه کیریتیب سیلاوده غلبه قازاندی. بو نتیجه صدر اوچون کتته یوتوق بولدی. صدر گروپی نینگ عکسینچه ایران طرفداری گروپلر اینیقسه فتحی اتفاقی اوتیلدیلر. سابق پارلمان باشلیغی محمد الحلبوسی تقدوم حزبی ایککینچی، سابق باش وزیر نوری المالکی نینگ قانون دولت ائتلافی ایسه اوچونچی اوریننی ایگلله دی. عراق کردستان دموکرات حزبی 34 ته بیلن عراق کردستان یورت سیورلر بیرلیگی و گوران گه قرشی کتته یوتوق قازانگن بولدی. بو نتیجه لرنینگ آرتیدن صدر، سنیلر و عراق کردستان دموکرات حزبی بیر بولیب ینگی حکومت نی قورماقچی بولدی. بیراق ایران نینگ اره لشیشی بیلن بو اورونیش ناموفق بولدی. صدر کیین بیر حرکت قیلیب اوزیگه باغلیق وکیللرنی استعفاء ایتتیردی و مجلس نی فسخ قیلدیریب قیته دن سیلاو بولیشی اوچون تورلی اورونیششلرگه قول اوردی. ایران گه یقین گروپلر ایسه بیرلیک آتی بیلن گروپله شیب صدرنینگ حمله سیگه قرشی جواب بیردی. صدر بو سیاسی اویینده همجمعیت نی حرکت گه تشلرکن اوزیگه باغلیق حربی ساختار بولمیش سرایا السلام جنگریلرینی هم میدانگه توکدی و هشدی شعبی ساختاری بیلن بغداد و بصره کبی انچه منطقه ده توقنه شوولر یوز بیردی. نتیجه ده شیعه لر اورته سیده یوز بیرگن کوچ کوره شی توغریدن توغری توقنه شوولرگه ایلنگن بولدی. حادثه لرده انچه کیشی حیاتینی یوقاتدی. صدر قیته دن سوپریز قیلیب برچه تامانلرینی کیینگه قیتیشلری بوییچه چقیریق قیلدی. صدر بیر کون آلدین سیاستدن قول تارتگن لیگینی اعلان قیلگندی. عراقلیک تنیقلی رهبرنینگ ایتگنلری بیلن قیلگن ایشلری آره سیگه بیر ضدیت بار.

شیعه دینی و سیاسی ییتکچی مقتدا الصدر اجتماعی ترماق آرقه لی بیرگن بیاناتده، "سیاسی ایشلردن قول تارتگن لیگیم نی و سیاست نی بوتونله ی ترک ایتگن لیگیم نی بیلدیره من. آتم نینگ قبری، تاریخی یادگارلیک موسسه سی بیلن صدر عایله سی نینگ موزیمیدن تشقری برچه موسسه لرنی یاپیب قوییش قرارینی قبول قیلیب آلدیم." دیب ایتگندی. بیاناتیده ایرانده حیات کیچیره یاتگن و توناون کونی "تقلید مرجعی وظیفه سینی ترک ایتگن لیگینی" اعلان قیلگن عراقلیک شیعه دینی تقلید مرجعی لردن آیت الله کاظم الخیرینی تنقید ایتگن صدر خیری نینگ تقلید مرجعی لیک نی ترک ایتیش قرارینی اوز اختیاریگه آلمه گن لیگینی ادعا ایتدی. نجفده گی شیعه لر اوچون جوده مهم بیر سیما بولمیش الخیری نینگ تقلید مرجعی لیک مقامینی ترک ایتیب ایران منفعتیده بیاناتلر بیریشی الصدرنی قرشی حمله گه اونده گن گه اوخشه یدی. شونده ی بولیب قول اورگن سونگگی حمله لرگه قره گنده اوزینی ینگی تقلید مرجعی ایتیب اعلان ایتیشی ممکن و ایراننی اوز طرفدارلری اوستیده تاثیر قیلیشی گه توسیق بولیش گه اورونیشی ممکن. نتیجه ده الصدر متفقلری عراق ملیتچیلیگی گه دوام ایترکن، ایران طرفداری گروپلرگه قرشی کوره شیش گه دوام ایتماقده.  

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایتدیک.