2022 ییلیده دنیا سیاستی و تورکیه نامی آستیده بیر تحلیل یازووی

2022 ییلیده دنیا سیاستی و تورکیه نامی آستیده بیر تحلیل یازووی

دولتلر کوید-19 کسل لیگی نینگ ییقووچی تاثیریدن قوقتیلیش گه اورونر ایکن گلوبال سیاستده 2021 ییلیده اساسی بیر اوزگریش یوز بیرمه دی. بایدن وظیفه نی آلیشی بیلن امریکا قوشمه ایالتلری نینگ گلوبال تیزیمده کوچلی بیر رول آلیب امریکا مرکزیتلی لیبرال تیزیم نی قیته تیکلش اورونیشلری، گلوبال ییتکچیلیک نینگ کمچیلیگی تاباره ییقووچی بیر وضعیت گه کیلگن لیگینی، اقلیم اوزگریشی قاله ویرسه گلوبال باشقروو نتیجه لریگه جواب بیرالمه گن لیگی و چین بیلن روسیه و ایریم یوکسلگن اکتورلرنینگ اوزلری گه ساحه یراتیش اوچون قتّیق کوره ش بیرگن لیکلری ینگی بیر رقابت باسقیچی نینگ یوزه گه چیققن لیگینی کورسته دی. شونده ی بولیب خلق ارا تیزیمده یوز بیریب تورگن اوزگریش و بویوک کوچ رقابتی نینگ قیته دن یوز بیریشی تاباره گلوبال نا انیقلیک نی کوپه یتیرماقده و تورکیه قاله ویرسه انچه دولت نی تشقی سیاستلرینی قیته دن تیکشیریب چیقیش گه و خلق ارا مقیاسده گی اورینلرینی قیته دن تیکلش گه مجبور قیله دی.

خوفسیزلیک بوییچه تیکشیرووچی مراد یشیل تاش نینگ بو موضوع بوییچه فکر و ملاحظه‌لرینی اعتبارینگیزگه حواله‌ قیله‌میز .

2021 ییلی یوز بیرگن گلوبال جیوپولیتیک حرکتلرنی کوزگه توتگنده اولاً بویوک کوچ رقابتی نینگ ویا انچه لری تامانیدن "ینگی ساووق اوروش" دیب اتلگن وضعیت نینگ گلوبال سیاست گه حاکم ایکن لیگی و تاثیری نینگ کیلگوسی باسقیچده کوپراق حس ایتیله دیگن لیگینی کوره میز. 2021 ییلی سپتامبر آییده امریکا قوشمه ایالتلری – چین رقابتیده اینگ آیدین شکلده مثال تشکیل ایتگن AUKUS، تینچ اوقیانوسده چین گه قرشی حربی، سیاسی و اقتصادی بیر جیوپولیتیک خطی یراتیش اوچون آنیدن یوزه گه چیققن بیر اورونیش دیب اتلدی.

شونده ی بولیب امریکا قوشمه ایالتلری – چین رقابتی دوام ایتیب تورگن بویوک کوچ رقابتی نینگ فقط بیر تامانینی تشکیل بیره دی. روسیه سونگگی پیتلرده آلیب باراتگن ییره ییش سیاستی و یقین اطرافده گی دوکترینیده یوزه گه چیققن حربی نمایشی غرب بیلن مسکو اورته سیده ینگی بیر ساووق اوروش بحرانی نینگ دایمی بولیشی گه سبب بوله دی. اوکراین آرقه لی انیقراق اوله راق یوزه گه چیققن بو بحران گلوبال کوچ رقابتی نینگ ایککینچی بعدینی ایجاد ایته دی.

شونده ی بولیب بو حادثه لرگه بناً امریا قوشمه ایالتلری و ناتو قاله ویرسه غرب، روسیه گه احتمالی بیر جواب بیریش ستراتیژیسی اوستیده باش قاتیرماقده، بیراق انیق بیر ستراتیژی کوریلمه دی. ناتو بیر تاماندن روسیه نینگ حرکتلریدن خواطرده ایکن لیگینی و روسیه بیلن دیالوگ اوچون تیار ایکن لیگینی افاده ایترکن، امریکا قوشمه ایالتلری ایسه اوکراین گه حربی کوچ جونتمسلیکلرینی بیراق روسیه گه آغیر چیکلاو عملی قیله جکلرینی، اوکراین گه قوشیمچه مدافعه تجهیزاتی تامین ایتیب بیره جکلرینی و ناتو متفقلرینی کوچه یتیره جکلرینی بیلدیردی. بیراق روسیه جهتیدن بو آگاهلنتیروولر اونچه لیک جدی گه آلینگن ایمس.

گلوبال سیاست اساسی یولینی تعیین قیلگن امریکا قوشمه ایالتلری – چین رقابتی بولگن حالده بو رقابت نینگ سایه سیده اینیقسه اورته شرقده ینگی بیر جریان باشله گن وضعیتده. منطقه ده احتمالی بیر موفقلشتیریش محاکمه لرینی تیزلشتیرگن منطقوی اوزگریشلر یوز بیرماقده. 2021 ییلی نینگ باشیدن بیری منطقه اولکه لری اورته لریده بحران کمراق بولگن و کوپراق همکارلیک بیلن نتیجه لنگن بیر نورماللشوو جریانینی باشله تدی. منطقوی نورماللشوو بیلن تینگ بارگن و 2021 ییلیده بولمسه ده کیلگوسی ییللرده تاثیر قالدیره دیگن بو بحران ساحه سی ایسه ایران نینگ هسته ای پروگرامی، ایران – امریکا قوشمه ایالتلری- اسرائیل تامانیده بوندن هم آرتیق بحران احتمالی منطقه نینگ اوستیده سلبی تاثیر قالدیره دی، ایران حادثه سیده خاص علاقه کورستیش کیره ک.  

تورکیه نینگ 2022 ییلیده تاباره کوپه ییب بارگن گلوبال و منطقوی رقابت فضاسیده تیار بولیشی اوچون ینگی بیر ستراتیژی تیارگرلیگیده بولگن لیگی انیق. شونده ی بولیب تورکیه ستراتیژیسینی کوچه یتیریش و یقین پیتده گی احتمالی ریسکلردن اوزاق بولیش اوچون منبعلریدن قنداغ ایش آلیشینی شو کوندن ریجه لش گه باشله دی. عین دمده گلوبال و منطقوی سیاستده یوز بیرگن اوزگریش و دینامیتلر آستیده تورکیه نینگ خوفسیز منطقه گه اولویت بیریب ستراتیژیک برقرارلیگینی و مقاومتینی قوریقلشینی تاکیید لش مهم دیر. حکومت بونی بیله دی تورکیه جیوپولیتیک اعتباری یوقاری سویه ده گلوبال و منطقوی حادثه لردن تاثیرلگنیدن و بعضی بیر دولت و دولتدن تشقری اکتورلر تامانیدن "محدودلشتیریلگن لیگی باعث" تورکیه نینگ یقین منطقه لریده خوفسیزلیک تهدیدلری نینگ بیر بیری بیلن علاقه سی بولگن لیگی انیق. تورکیه بوگونگی کونده قرشیلشیب قالگن ریسکلرنینگ قاره دینگیز، شرقی اورته ییر دینگیزی و اورته شرق بیلن بیر قطارده انچه بعدلی ایکن لیگی کوریلماقده. 2022 ییلیده بو یاحه لرده جدی بیر حرکتلیک کوریلمه یدی. اورته شرقده گی معتدللیک ییل بوییجه دوام ایتیشی ممکن و تورکیه بیلن مصر، اسرائیل و سعودی عربستان اورته سیده مثبت معناده ینگی لیکلر یوز بیریشی ممکن. یونان بیلن ینگی بیر بحران باسقیچی که کیریش احتمالی بار شککلی. امریکا قوشمه ایالتلری بیلن مناسبتلرده اویین اوزگرتیرووچی بیر ینگی لیک شو وقت یوق. بیراق ف-16 حربی اوچاقلری نینگ تداریک مسئله سی اوزارا مناسبت جهتیدن اینگ اساسی تیستلردن بیرته سی دیر. مسکو – انقره مناسبتلری ایسه 2022 ییلی جدی بیر تیستدن اوته دی. سوریه و اوکراین بیرینچی اورینده توره دی.

گلوبال تیزیمده کوچ رقابتی تاباره کوپه ییب باررکن تورکیه نینگ تشقی سیاستی نینگ بو رقابتدن تاثیرلنمس لیگی ممکن ایمس.

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.