لیبیاده سونگی مرحله
تحلیل و تیکشیروو
لیبیاده سونگی مرحله
لیبیادهگی ملي کیلیشوو حکومتی نینگ کیتمه-کیت موفقیتلریدن سونگ برچه تامانلر اوز پوزیشنلرینی اوزگرتیرگنلیکلری کوزهتیلماقده. الطرابلس نینگ خوفسیزلیگی ایندی بحث موضوعسی ایمس و ملی کیلیشوو حکومتی موجودلیگیگه قرشی تهدیدلر یوقالدی. ملی کیلیشوو حکومتی اساسن بو بارهدهگی موفقیتلرینی تورکيهنی قوللب-قوّتلش آرقهلی تأمین ایتگن. ملی کیلیشوو حکومتی، بیر تاماندن ینگی یوتوقلرنی قولگه کیریتیشده و قانونيلیگینی مستحکملهماقده، باشقه تاماندن، قوللب-قوّتلشگه و مملکتنی قیتهدن تیارگرلیک کورماقده. باشقه تاماندن، حفتر کوچلری هجوم پوزیشنیدن مدافعه پوزیشنی گه اوتیشدی و ساحهده ینه کوپراق جای یوقاتمسلیک اولرنینگ اساسي مقصدیگه ایلندی. باشقه تاماندن، کورهشده غالب تامان نینگ طرفدارلری بولیش امیدلری هم اوزگریب، ایندی یوتقزووچیلر تامانیده بولمسلیک اوچون یوقاتیشلرینی اینگ کم گه توشیریشگه کیریشدیلر.
بو نینگ اوچون اولر "ملی کیلیشوو حکومتی" نینگ حربي ترقیاتینی توختهتیشگه قرهتیلگن قیزغین فعالیت بیلن شغللنماقده. ایلگری بو جریانگه جوده کم علاقه کورستگن امریکا قوشمه ایالتلری ملی کیلیشوو حکومتی فایدهسیگه نسبتاً انچه فعال پوزیشننی ایگللهی باشلهدی.
خوفسیزلیک بوییچه تیکشیرووچی یازووچی دوکتور مراد یشیل تاش نینگ اوشبو موضوعگه دایر و فکر و ملاحظهلرینی اعتبارینگیزگه حواله قیلهمیز.
سونگگی واقعهلرگه کوره، لیبیادهگی وضعیت و توپراق کنترولی یکون گه ییتمه دی؛ وقتینچهلیک خصوصیتگه ایگهدیر. بیراق، رواجلنیشلر یونهلیشی قَیسی تامانگه کیتیشی، طرفلر یاپیق یاکه آچیق اعلان قیلگن قیزیل چیزیقلر و بو چیزیقلر قندهی حل ایتیلیشیگه باغلیق. ملی کیلیشوو حکومتی و اونی قوللب-قوّتلاوچی اینگ مهم اکتور بولگن تورکيه اوچون سیرته بیلن جفره قیزیل چیزیقدیر، اما اونینگ بیلن چیکلنیب قالمسلیگی جوده انیقدیر:
تونترووچی جنگریلر و یوللنمه عسکرلرنینگ نظارت آستیده توتگن توپراقلردن چیقریلیشی و لیبیا بویلب دولت حاکمیتینی اورنهتیب سیاسي و اقتصادي برقرارلیگینی تأمین ایتیلیشیدیر. اوشبو مقصدگه ایریشیشده هر قندهی باسقیچده دیپلوماتیک و سیاسي مذاکرهلرنی چیتلهمهگن؛ اما، ضرور بولگنده حربي اصوللردن فایدهلنیشدن تارتینمهیدی. میداندهگی موفقیتسیزلیکلردن سونگ، ایندی حفتر نینگ شخصي روشده قیزیل چیزیقنی بیلگیلش امکانیتی یوق. بو نینگ اورنیگه، قیزیل چیزیقلر توغریدن-توغری یاکه بالواسطه طرفدارلری تامانیدن چیزیلهدی. مثلاً، روسیه لیبیاده رسمي روشده حربي اشتراکی یوق دیب دعوا قیلسه هم یقینده ملی کیلیشوو حکومتی سیرته و جفرهنی نظارت قیلیشیگه یول قویمسلیک، و شونینگدیک واگنیر آرقهلی ارهلشی بیلن بیر قطارده حفتر کوچلریگه حربي اوچاق بیرگندیر. فرانسه ایسه ییللر دوامیده حفتر اوچون کیریتگن سرمایهلر نینگ فایدهسینی کورالمسلیگینی کورگندن کیین، هیچ بولمهگنده بیر قِسمینی آلیش اوچون تشبث قیلیب صلح توزیشنی تکرارلشگه چقیرماقده، باشقه تاماندن ایسه حفتر نینگ مغلوب بولیشیگه و آرقهگه اوریلیشیگه سبب بولگن تورکيهنی تنقید قیلماقده. مقصدی تورکيهنی لیبیا جریانیدن چیقریشگه حرکت قیلماقده.
فرانسه نینگ بوندهی مناسبتیگه شبههسیز، لیبیادن تشقری شرقي آق دینگیزیدهگی کوچلر کورهشیده هم یوقاتگن جیوسياسي تأثیری هم باردیر. اوز نوبتیده، بیرلشگن عرب امیرلیکلری و سعودی عربستان بو جریانده اجرهلیب تورمسلیککه حرکت قیلیشهدی، عکسینچه لیبیادهگی یوقاتیشلرینی کمه یتیریشگه مصر و عرب لیگی آرقهلی موازنتده بولیشگه حرکت قیلیشهدی. شو اورینده ایتیش ممکنکی، مصر بیرلشگن عرب امیرلیکلری و سعودی عربستان گه اقتصادي و سیاسي باغلیقلیگی تأثیریده سونگگی واقعهلرگه نسبتاً توغریدن-توغری بیر عکس العمل کورسهتگنینی ایتیش ممکن.
ملی کیلیشوو حکومتی کوچلری لیبیا نینگ غربی نینگ تولیق نظارتینی قولگه کیریتگندن سونگ، 6-جون کونی ملی کیلیشوو حکومتی کوچلری سیرته و جفرهنی ایگهللب آلیش اوچون "ظفر یولی عملیاتینی" باشلهگندن کیین سیسی اداره سی عینِ کون حفتر و اکیله صالح بیلن بیرگه قاهرهده توپلنیب، صلح و سیاسي جریان باشلهتیشنی طلب قیلگن ایدی. "قاهره اعلامیه سی" نامی بیلن قیلینگن بو تکلیف حفترنینگ برچه طرفدارلری تامانیدن هم قوللب-قوّتلندی.ملی کیلیشوو حکومتی سیرته و جفرهنی آزاد قیلینیشیدن آلدین صلح یوقلیگینی و بو منطقهلرده عملیاتلرگه تیارگرلیک کوریشنی دوام ایتتیریشنی اعلان قیلگنیدن کیین ینه بیر حرکتنی عملگه آشیرگن سیسی، سیرته و جفرهنی 20 جون و مصرنینگ "قیزیل چیزیغی" دیب اعلان قیلگن ایدی.
و بو حدودلر باشقهلری نینگ قولیگه اوتسه، لیبیاگه حربي ارهلشیشی ممکنلیگی اشارهسینی بیرگن ایدی. کیلینگن نقطهده لیبیاده و منطقهده کوچ تقسیملشی ینگیدن اوزگریشی انیق. کیلگوسی کونلر لیبیا تقدیرینی انیقلهیدیگن واقعهلر روی بیریشی ممکن. لیبیادهگی اوزگریشلر شبههسیز منطقهدهگی اوزگریشلرنی هم شکللنتیرهدی.
خوفسیزلیک بوییچه تیکشیرووچی یازووچی مراد یشیل تاش نینگ اوشبو موضوعگه دایر و فکر و ملاحظهلرینی اعتبارینگیزگه حوالدیک.