لیبیا ساحه سیده اوزگریب بارگن توازن

لیبیا ساحه سیده اوزگریب بارگن توازن

لیبیاده اوزاق مدتدن بیری دوام ایتیب تورگن توقنه شوولر سونگی پیتلرده تورکیه تامانیدن لیبیا ملی کیلیشوو حکومتی گه بیرگن عسکری همکارلیک بیلن ینگی بیر دوره گه کیررکن، ایلک مرته ملی کیلیشوو حکومتی کوچلری تونترووچی جنرال حفترگه قرشی ایلگریلش گه باشله دی. ملی کیلیشوو حکومتی کوچلری غرب تامانیدن ستراتیژیک اورنی بولگن شهرلرنی قولگه کیریتیش گه موفق بولرکن، تونس حدودیگچه ییتیب باردی. سونگی پیتلرده ترخانه نی قولگه کیریتیش اوچون بویوک بیر عسکری عملیات باشله تدی.  

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

تونترووچی جنرال حفتر، بیرلگشن عرب امیرلیکلری قاله ویرسه مصر، سعودی عربستان، فرانسه، اسرائیل و روسیه نینگ همکارلیگینی قولگه کیریتیب بیرلشگن ملتلر تشکیلاتی تامانیدن تن آلینگن مشروع اقتدار ملی کیلیشوو حکومتی گه قرشی بیر قوزغالان گه قول اورگندی. جنرال اولکه نینگ شرق تامانیده مصرنینگ چیگره سیده جایلشگن طبرق شهریده الترناتیف بیر حکومت ایجاد ایتیب آلدینراق تذکر بیریلگن اولکه لرنینگ کمکی بیلن درنه و بن غازی کبی منطقه لرنی قولگه کیریتیش گه موفق بولگندی آرتیدن ایسه الطرابلس و میسراتا کبی ملی کیلیشوو حکومتی نینگ قولیده بولگن کتته شهرلرنی آماج قرار بیریب باشله گندی. حفتر لیبیانینگ ایچکی توازنیدن تشقری مذکور اولکه لرنینگ منفعتلری اوچون حاکمیتی آستیگه آلیش گه حرکت قیلماقده ایدی. ملی کیلیشوو حکومت کوچلری ایسه بیرلشگن ملتلر تشکیلاتی تامانیدن مشروع اقتدار صفتیده تن آلینگن بولسه هم ییترلی درجه ده خلق ارا همکارلیک نی قولگه کیریتالمه دی. ملی کیلیشوو حکومتی نینگ اسلامی روحی قاله ویرسه عرب امیرلیکلری کبی اولکه لرنینگ خلق ارا موسسه لر اوستیده تاثیری قاله ویرسه امریکا قوشمه ایالتلری دولت باشلیغی دانلد ترامپ نزدیده آلیب بارگن لابی فعالتیلری ملی کیلیشوو حکومتی نینگ قولینی کوچسیزلشتیرگندی.

تورکیه ایسه حفترنی قوللب-قوتله گن ائتلاف گه قرشی انیق بیر پوزیشن آلیب مشروع حکومت بیلن بولیشنی ترجیح ایتدی. لیبیاده سوریه ویا مصر تجربه لرینی یشه مسلیک اوچون اورونماقده ایکن، لیبیانینگ فقط لیبیالیکلرنینگ حاکمیتیده بولیشینی تامین ایتیش اوچون سیاسی آدیملر آتماقده ایدی. بیراق حفترگه باغلیق کوچلرنینگ الطرابلس نی تهدید ایتیب باشله شی بیلن ملی کیلیشوو حکومت کوچلری بیلن بیر کیلیشووگه باریب میدانده گی عسکری حقیقتلرگه اوزگروو کیلتیرووچی آدیملر آتدی. بیر تورک کوچی تعلیم و مصلحتچیلیک بیریش اوچون لیبیاده جایلشدی. الطرابلس و میسراتا هوا ساحه سیده هم کنترولنی قولگه آلدی. ملی کیلیشوو حکومت کوچلری رواجلنگن اسبابلر بیلن تجهیزلندی. اینیقسه TB2 انسانسیز هواواسطه لری حفتر کوچلری نینگ عسکری اوستونلیگینی اداغگه ییتکیزدی.

نتیجه ده تورکیه نینگ میدانده آغیرلیگینی قوییشی بیلن حفتر و حمایه گرلری نینگ الطرابلس نی قولگه کیریتیش تیشلری توگب کیتدی. ملی کیلیشوو حکومت کوچلری قرشی هجومگه اوترکن تونس چیگره سینی تکرار قولگه کیریتیش گه موفق بولدی. اولکه نینگ غرب تامانیده گی ستراتیزیک اهمیتی بولمیش الواتیه اوگیریب الینر ایکن الطرابلس نینگ جنوب – شرقیده گی مهم شهر بولمیش ترخانه نی قولگه کیریتیش اوچون کینگ – کولملی عملیات باشله تیلدی. میدانده گی وضعیت ملی کیلیشوو حکومتی نینگ منفعتی گه قره ب اوزگردی.  

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.